الله يسعدكم وينكم اللي مر عليهم هذا المرض

الله يشفي ولدك ويقر عينك فيه
بصراحه ماعندي خلفيه عن المرض بس حبيت
اقلك ان الكرتوزون اذا بكميات قليله ان شاء الله ماتضر
خصوصا انها باأشراف الطبيب انا بنتي من عمرها شهرين او اقل وهي تستخدم كريمات للاكزيما وفيها كرتوزون ومرات يزيد التركيز ومرات يقلله علي حسب حالتها والحين عمرها سنتين ومازالت تستخدمها دعواتكم لها ولآخوتها بالشفاء والصلاح

الله يشفي ولدك شفا لا يغادره سقما يارب
ام احلى نونو الله يشفي بنتج واخوانها وخواتها يارب شفا لا يغادره سقما ويقر عيووونكن بشوفتهم عرسان وعرااايس يارب

الله يشفي بنتك من الاكزيما ياعمرري وتشوفينها احلا عروس
مدري احس كميتة كبيره لانه ولدي صار خامل وزاد وزنه اتوقع من تاثير الكورتيزون
عشان كذا قررت اقطعه
وقررت معاد اوديه مراجعاته لانه اخاف عليه من فايروس كورونا ودي اعالجة بالاعشاب بس متخوفه انه تتاثر كليته

لا ياختي خطا الله يرضى عليك.. اذا ولدك عنده مشاكل في الكلى ضروري تودينه استشاري يسوي تحاليل لوظايف الكلى ومو بس تعالجون الزلال. وحاجة ثانيه الكلى في الانسان الطبيعي تتاثر بالاعشاب وممكن تتدهور وظايفها وانت بتعطينه اعشاب وانت مو عارفة وش مشكلته.. حرام عليك. عشان كذا الاطباء ينصحون انه الانسان يشرب الاعشاب منفردة وبكميات قليلة ويبتعد عن المخاليط اللي ما فيها اي فايدة.
استودعيه الله وروحي راجعي بولدك وسوو له تحاليل واشعه وان شا الله يشخصون حالة ولدك بشكل دقيق وتعرفين وش فيه وكيف بالضبط تتعاملين معه..
اسالي كمان الطبيب عن النظام الغذائي لولدك.. اعتقد راح يقول يبعد عن الغازيات والملح..
والله يفرج همك ويشفي ولدك وجميع مرضى المسلمين.