يا أخواتي بغيت أكتب صدمتي الفضيعه في أغلى الناس أخواني وأخواتي ..
أبني من وهو صغير يعاني من الربو والكحة الفضيعة المهم وكالعادة دايمـاً مريض وجاء يوم سخن علي سخونة ماتنزل وعلى الربو إلي فيه المهم وديته المستشفى وفجعوني بقولهم أشتباه في أنفلونزا الخنازير أنا خلاص أنصدمت وأخذونا لقسم العزل ..
أخواني وأخواتي يدرون أن الولد تعبان لكن ماحد كلمني وفكر يطمن على ولدي إلا واحد من أخواني وأمي و2 من خواتي والبقيه لاهين في الدنيـا ..
أنا قلت خلاص لا أشيل عليهم ..وبعد كم يوم جت نتيجة التحليل والحمد لله طلع الولد سليم ومافيه أنفلونزا الخنازير طلعت البيت وأنا منهكه ولاحد من قرايبي فكر يزورني
المشكلة أنا طيبه لأبعد الحدود إذا واحد من أولادهم بس يزكم أو أي شئ والله أكلم يوميـاً وبعض الأحيان أستحي اخاف يقولون طولتها أرجع أرسل رسالة..مر شهر والولد حالته حاله ومرض علي ورحت فيه المستشفى وقالوا لازم تنويم ونومونا ونفس الحركه ماحد كلمني إلا نفسهم إلي أول بس واحده من خواتي إلي ماكلمتني المره الأولى كلمتني مره واحده بس وعليها للآن مادقت تشوف أخباره وكيف هو الحين ..ولا حد زارني في المستشفى عندي الناس من اقاربنا في نفس المدينة ولا زاروني وأنا يصير أي شئ لهم أو لأولادهـم أجي أزورهم وأجيب حلا وقهوة وشاي والعاب لولادهم حتى لو كانو متنومين يوم أو يومين وأنا 5 أيام ولا مرعلي أحد بس مكالمات ..أنا ما ماني محتاجه طيبتهم ولا أبغى أستثير عواطفهم علي بس أنا مفجوعه على رغم إلي أسويه لهم مافكروا فيني لهذي الدرجه أنا ما أعني لهم شئ ..:44:
وأخت زوجي نفس الحركه عزمتها أنا قبل كم يوم رغم أنها كانت تدري أن ولدي تعبان ولا زارتني أو كلمتني بس كلمت زوجي مره وخلاص لقيتها في المستشفى وكان معاها بنتها شويه تعبانه بس ماشاء الله ماكأن فيها شئ تلعب وكذا وطلعت ولا كلمتني رجعت البيت وجلست أدق عليها أشوف أخبارها ولا ردت رغم أن ولدي شافته قدامها يبكي وحالته حاله صراخه يصل لآخر المستشفى ولا فكرت تسأل وللحين مادقت ولا تدري أحنا في البيت ولا متنومين في المستشفى أنصدمت يعني كأنهم يقولون بكيفكم متم مرضتم بكيفكم بطقاق في ستين داهيه ..:44:
وأحنا إلي وإلي الله المستعان ..
انا أبغى ادري ليش الدنيـا تغيرت صاروا الناس يفكرون نفسي نفسي ..وين ترابط الأسر وين الطيبه وين الخوف على بعض بالله أنا القاها من اهلي ولا زوجي يلقاها من اهله ..لهذي الدرجه الطيب يُقابل كذا ..ليش الناس صاروا مايعرفون الأصول ..
والله ماكتبت كلامي هذا إلا لأسألكم سؤال /هل أنا وزوجي طيبين لدرجة فضيعة ؟أو الدنيا تغيرت ؟؟
..................................
وأبغاكم أرجوكم علموا عيالكم معنى الاخوه ومعنى السؤال عن بعض والله أنتظرمنكم الي ماقصربسؤال على أخوانه يسأل عنهم وتراجع حسباتها قبل ردود اقلامكم
.الله المستعان ..