مرعوبة من فكرة زواجي ومن ليلة زفافي

زفافي بعد شهر و لسى ما جهزت ولا شي بالرغم ان كتابي مكتوب من سنة ! عندي حالة اكتئاب مش طبيعية وتنتابني نوبات هلع بس افكر اني بعيش مع هذا الشخص بالتحديد ، هو 40 سنة منفصل عنده 3 اطفال اعمارهم 5 و7 و 12، متحدث ولبق وكريم بالهدايا وسيم ابيض طويل ودارس بره ومرتاح مادياً كثيير ومدير بشركة كبيرة ، انا 33 حنطية قصيرة جمالي عادي معلمة بقطاع خاص ومستورة حالتنا الحمد الله منفصلة من 7 سنوات ما عندي اطفال
نفسيا انا مش اجتماعية وهو عائلته كبيرة مناسباتهم كثيرة واجتماعهم شي مقدس ، خواته الي طبيبة او مديرة بنك والكبيرة مشرفة تربوية وبالرغم اني اقرأ كثير لكن غالبا ما اعرف اتكلم في المناسبات الاجتماعية وما اندمج مع الناس حتى في عملي انا منطوية وصداقاتي محدودة ، حياته اكشن من عرفته سفرات ورحلات وصفقات ولما يسألني ايش سويتي اخجل من رتابة وبساطة حياتي اما العمل او طلعت مع صديقاتي او قرأت كتاب جديد هذا اقصى شي
رغم اننا فكريا متوافقين في اشياء كثيرة ونفسيا انا من الظاهر لي انه مرتاح
اشتغلت على نفسي صرفت مبلغ وقدره على الليزر فول بادي وجلسات توحيد لون وعناية بالبشرة و الشعر لاني مهملة في العادة لكن الي ماقدرت له الستريتش ماركس لاني من كنت مراهقة وانا عل اليويو دايت مؤخرا نحفت من 66 ل49 كجم فجربت الليزر 4 جلسات ومبلغ 8000 ومانفع وكمان سببلي حروق ومن قرادة الحظ قبل شهر انكبت بيالة شاي على بطني فصار عندي حرق تقريبا 3سم هنا انا بنتحر
وكل هالشي لاني اعرف انه يسافر كثير حتى لاوروبا والصين رايح وانا اظن انه مممممممم .... كان له علاقات لانه منفصل من 4 سنوات ورجل وسيم ابيض طويل ورياضي وعنده فلوس !!! بليييز يعني ممكن تفكيري سيء بس منطقي
ما انسى جملة قالها لي "احلى شي لما تكون مع الانسان الي تحبه مو شخص تجامله عشان شي" يقصد شي جسدي طبعا لاننا نتكلم مرات ديرتي على خفيف
ممكن تقولون مابيشوف واهم شي المحبة ... لأ
الرجال يتكلم عن الي يحبه بجسد المرأة وانا ماعمري ارتحت لجسمي ولا احبه
كمان هو متناقض لبق واتيكيت لكن ممكن يعلق بشكل وقح وهالشي صار عدة مرات لما كان يزورنا علق على لبسي رغم اني اصرف كثير عاللبس و اختار بحذر ذوقي كلاسيكي انيق بس ما احب البس مثل بنت بالعشرين كريم بالهدايا وانا اضغط على نفسي عشان هدايا اعياد الميلاد له وللاطفال لكن مرات يصرح لي انه لو ضاقت عليه لازم اعتمد على نفسي ، دايم يلمح ويصرح احيانا باهمية وجود مسافة بينا وكيف لازم ننشغل طول الاسبوع عشان نشتاق لبعض ؟ رغم انه عارف اني امراة عاملة واكيد مشغولة !! وهو يسافر كثير ودوامه طويل ويروح الجيم وجمعات الشباب،
الخلاصة اني مو عارفة ليش خطبني رغم ان بنات خالاته و عماته جميلات جدا ومرعوبة من الفرق الي بنا سواء الاجتماعي او الجسدي ورغم ان طول عمري واثقة بنفسي الى حد ما وما اهتم برأي الناس لكن ثقتي بنفسي معاه تحت الصفر



اسفة عالاطالة لكن احتجت افضفض