مرقة كفتة الربيان

مرحبا يا حلوات

اهم شي في الكففته انك تضبطين كمية الربيان مع الطحين وراح اعطيج قياس واحد تمشين عليه ويارب تعجبكم

2 كيلو ربيان منظف ومغسول (وزنه 2 كيلو بعد التقشير) هاتي 3 كيلو وقشريهم
كوب ونص طحين ارز وينباع مطحون جاهز بالجمعيات
بصلة كبيره
راس ثوم كامله مقشره
حزمة كزبره خضراء مفرومه
نص حزمة شبنت مفرومه
حبة فلفل اخضر حار مفرومه
1م ص كمون ناعم
1 م ص كزبره ناشفه
1 م ص فلفل اسود
1 ا ص كركم
1/2 م ص قرفه مطحونه
1 م ص بهارات مشكله
ملح

كل المقادير تنخلط في مفرمة اللحم مره وحده بس اضيفي الدقيق لها واعجنيها تذوقي الملح واضبطي التتبيله حسب ذوقج تبيلها كمون او ملح او فلفل
ضعي ربع كوب زيت في مقلاة كبيره كطوري العجين كور صغيره بعد ما تبلين يدك بشوية زيت العجين بتكون لينه شوي لا تخافين ضعيها في صواني ونزليها تتحمر في الزيت مع التقليب فقط لتتحمر وتصك (الربيان على النار يشد فتتماسك الكفته)
خلصي كل الكميه ممكن تقسمينها وجبات وتشيلينها بالفريزر

مرقة الكفته
حمري بصله كبيره مفرومه ناعم بسمن اضيفي لها حبة طماطم مفرومه وعلبة صلصة طماطم وفلفل اسود ومكعب ماجي وفصين ثوم وم ص بهارات خليها تتسبك ثم اضيفي لها ماء مغلي تقريبا نص القدر ولما يغلي سقطي الكفته فيه ومعاه حبتين لومي اسود ولو حبيتي نص حزمة كزبره خضراء مفرومه
لما تغلي اتركيها تتسبك 1/2 ساعه
وبالعاااااااافيه
قدميها مع رز ابيض او اصفر بكركم

لا تنسونا من دعواتكم:27: