هلا اخواتي حياكم الله وكل عام وانتم بخير << متأخرة مرة :biggrin:
صار لي فترة مازرت قسم الطبخ انشغلت مرة الله لايشغلنا الا في طاعته يارب
اليوم حبيت انزل لكم طبخة بمناسبة قطعتي فيكم ههههه
قلت اعاقب نفسي وانزل لكم هالطبخة تستاهلون حبايبي انتم والله
المهم الطبخة هي عبارة عن مرقوق بس غير عن قبل يعني هالمرة بالدجاج
بس والله طعمه خياااااااااااال ومايفرق عن نكهة اللحم ..
المهم ماطول عليكم :biggrin:
واليكم المقادير والطريقة :
المقادير :
اول شي نحضر قطع لحم او قطع دجاج بدون جلد
قرصان لين ( مسلوب ) يوجد عند محل القرصان ..
بصل مفروم
طماطم مطحونة مع فلفل رومي
خضار مشكلة :
( كوسة - باذنجان - جزر - قرع اصفر )
بهارات مشكلة - فلفل اسود - كاري - كركم
ماجي او ملح
قرفة وليمون اسود عدل
الطريقة :
نحمس البصل بزيت غزير نوعا ما عشان مايتعجن القرصان على بعضه
بعد ان يشقر يوضع عليه البهارات ويحرك جيدا ميزة البهارات مع الحمس
تكون النكهة قوية وثابته وتعطي تطعم ونكهة لذيذة بالاكل افضل بكثييير
بعد كذا نضع قطع اللحم او الدجاج ونحرك ثم الطماطم المطحونة ثم الصلصة
ونتركهم ع نار خفيفة لحد ماتتسبك بعد كذا نسكب الماء عليهم لحد ثلاث ارباع القدر
لان اللحم يحتاج لماء كثير اثناء الطبخ وبعد ان ينضج نصف استواء نضع الخضار
والماجي والملح ( على فكرة في بداية طبخ اللحم لانضع الملح او الماجي عليه لانه
ماراح يستوي بالراحة وراح يكون قاسي ) ..
المهم بعد 10 دقائق نقطع قرص القرصان الى قطع متساوية
مثلا بحجم اليد ونضع قطع القرصان قطعة قطعة على مرقة اللحم والخضار
ويجب ان تكون كمية ماء المرقة كثيرة لان القرصان يتشرب الماء بسرعة
المهم نحرك لكي لاتلتصق القطع على بعضها وكمية القرصان على حسب افراد الاسرة
انا اضع ثلاث اقراص من القرصان واقطعها والكمية تكفي لعائلتي ..
المهم بعد انتهاء القطع نتركها ع النار الى ان ينشف الماء قليلا
يعني لازم يكون القرصان فيه كمية ماء ومايكون ناشف لانه ماراح
يكون مرغوب وبيكون متعجن على بعضه وشكله غير محبب
فلازم يكون فيه ماء مثل ماقلت ..
المهم بعد ماينشف قليلا نوطي ع النار خفيييييف ونخليه نصف ساعة
او اكثر او اقل على حسب يعني اهم شي يكون استوى صح
بعد كذا نغرفه بصحن ونجمله بالكشنة الحمراء المحموسة بالزبدة والمبهرة
ونقدمه واستمتعوا بأطعم مرقوق على الاطلااااااااااااق
وبالهناء والعافية ياااااااااااارب
لاتنسوني من الدعاء لي ولولدي وزوجي وابوي وجميع مرضى المسلميين بالشفاء العاجل
لاحرمكم الله الاجر
الله يشفي مرضاك ومرضى المسلمين