السلام عليكم ورحمة الله وبركاته
هذه اول مره اشارك وانزل موضوع بهالقسم وبما اني مشهورة بالمرقوق والكل يسألني عن طريقته حبيت اوريكم طريقتي خاصه هالايام وهي مرقوق بالفقع واتمنى يعجبكم
نبتدي اول شي بتنظيف الفقع من الحصا ويكون بنقعه ساعتين او اكثر بماء دافئ
بعدين نكشطه مانقشره مثل البطاطس لا نكشطه ( نحكه) بالسكين عدل ونزيل الحصا منه
أمـ الغـالـي @am_alghaly_24
عضوة فعالة
يلزم عليك تسجيل الدخول أولًا لكتابة تعليق.
أمـ الغـالـي
•
ثم نسوي المرق حسب الرغبه وانا اشوح بصل مع شوية ثوم وعود دارسين وشوية هيل وبهارات ( احط 2 مكعب ماجي خضار ) بعدين طماط تقريبا 4 وسط حتى تذوب ثم نصب ماء ولما يفور نحط الفقع ونزيد الماء اذا موكافي تقريبا 3ارباع القدر لان العجين يشرب الماء ثم نحط تقريبا علبة معجون او علبه الا ربع معجون طمام ونقدر نضيف أي نوع خضار حسب الرغبه بس انا فضلت الجزر ومانوعت بالخضار عشان يبين طعم الفقع
ثم لما يستوي الفقع والجزر نشيلهم بمشخال ونتركهم على جنب ونحط نحط العجين وهو مكون من طحين كويتي تقريبا 3 اكواب وماء حتى تتكون عجينه سهلة التشكيل وشويه ملح نسوي اقراص كبر الرغيف الصغير وخفيفه جدا ونكثر الطحين عليها عشان ماتلصق بعدين نحط واحد ورى الثاني بالقدر ولما تحطين الرغيف خرميه بشوكه وسكين يعني مزقيه اول ماتحطينه عشان المرقوق يطلع خفيف مو عجين وانا للاسف ماصورت هالطريقه تعرفون حوسه ويني ووين التصوير بالاخير ولما يستوي العجين تقريبا يبيله من نصف ساعه الى ساعه الا ربع نحط الفقع والجزر وطول هالوقت كل شوي نحوس ونحرك العجين عشان مايحترق على نار متوسطه وبعد مانحط الفقع نكون مجهزين كزبره خضرا او بقدونس عشان اللون والشكل ونحطه وخمس دقايق ونطفي النار ويم يم يم شو الشكل واحكمو زوجي *** الصحن
وبالعافية
وبالعافية
الصفحة الأخيرة