أول شي أسوي عجينة المرقوق أنا استعمل الدقيق الكويتي البر وهذي صورته
نعجن العجين 3 كاسات طحين و شوية ملح و 1 كوب ماء تقريباً بتكون مثل عجينة البيتزا او اسمك شوي
ثم تترك ترتاح هذا شكل العجينة
بعدها نشوح اللحمة لوحدها شوي في صينية ما ادري ليش اسوي كذا بس تعودت من أمي لازم هذي الحركة
ثم اضع في قدر بصل مقطع صغار مع شوية زيت واخلية شوي يذبل ثم اضيف له اللحمة وبهارات مشكلة بعدها أضيف الطماط مقطع صغار و اضع علية شوية صلصة
ثم اضيف الماء الحار والملح واخلية شوي حتى تستوي اللحمة نصف سوى
بعدها أضيف الي يعجبك من الخضار انا اضفت بطاطس مقطع كبار و كوسة وجزر وقرع
في هذا الوقت أكون كورت العجينة بهذا الشكل ليسهل علي رقها
ونرقها بهذا الشكل لا تكون رقيقة ولا سميكه
ثم اضيفها على المرقوق وحدة ورى الثانية بس بشرط تكون بينهم وقت حتى تتشرب شوي المرق واحاول قبل ما احط الثانية انزل الاولى للقاع حتى لا تلتصق العجينة ببعض
بعدها اتركها في القدر حتى تستوي العجينة والخضار واللحمة ممممممممممممه اموت بالمرقوق
وبكذا انتهى المرقوق وبالعافية
