مرقوووق يجنن لايفوووتك

السلام عليكم ورحمة الله وبركاته
اليوم جبت لكم وصفة المرقوق بطريقتي روووعه
نبدا
مقادير العجينه
2كأس دقيق ابيض
2كأس دقيق اسمر
ملح
ماء للعجن
الطريقه
تعجنينها وتخلينها على جنب انتي تتحكمي بالمويه
مقادير المرقوق
لحم مقطع مربعات ((او دجاج ))حسب الرغبه
بصل مقطع جوانح مع فصين ثوم مفروم وزنجبيل مبشور
حبتين طماطم مقطعه مربعات مع ملعقتين صلصه
الخضار((بطاطس.جزر.بازلاء.باذنجان.كوسه.فاصوليا ))مقطعه مكعبات وهي اختياريه ممكن تستغنين عن شيء اوتضيفين
فلفل رومي شرائح مع حبتين فلفل حار((اختياري))
ملح
مكعب ماجي
كمون
فلفل اسود
بهارات مشكله
2عود قرفه ((دارسين))اختياري
الطريقه
نحط على النار زيت اوسمنه حسب الرغبه
ونشوح فيها اللحمه مع اضافة البهارات والفلفل الحار والماجي
بعدين نضيف البصل والزنجبيل والثوم
ونقلبها شوي ونضيف الطماطم والصلصه ونقلبها على نار هادئه
بعدين لاحظو اني بضيف البطاطس بس واركها مع اللحم شوي
وبعدين نضيف باقي الخضار والملح
ونحط عليها مويه نغطي فيها اللحم والخضار وممكن نحط ((مرقة لحم اودجاج ))بدال المويه
نغطي القدر وانا استخدم الضغط
ونتركها ربع ساعه بالقدر الضغط والعادي ربع ساعه
المهم بعد ماتستوي تبدين ترقين العجينه انا بيدي في صحن اخذ من العجينه حجم الكوره وارقها بيدي واحطها بالقدر على النار وكل ماحطيتي قطعه غطي القدر ((ملاحظه:انا أنقل اللحم وخضار قدر عادي بعد ماتستوي وارق العجينه فيه))وتخلينها تستوي
وبالهنا والعافيه وهذي صورته وهو يجنن جربوه روووعه