حياكم الله ببدأ في القصة ....
احدى قريباتتي الله يذكرها بالخير من المعجبات بمركز الحبيب لدرجة من كثر ماتمدحه او تصفه لاحد شكينا ان لها نسبة ...
المهم هي اذا حملت تراجع عنده وكانت تمدحه ...
نجي للقصة قبل تقريبا شهر هي شكت انها حامل وكالعادة راحت تحجز عنده ومدحت لها مسؤولة المواعيد دكتورة اسمها نادية الحربي قالت انها حبوبة وخبرة عشرين سنة ... قالت قريبتي على بركة الله
المهم تقول انها وراح اتكلم على لسانها اخذت موعد الساعة خمس وربع ووصلت للمركز الساعة اربع واربعين دقيقة ورحت للاستقبال سألتني حقت الاستقبال قالت حمل ولا مراجعة يعني انا ماتأكدت انه حمل فسألتها يعني يفرق في السعر قالت لأ بس عشان الكود قلت خلاص خليه مراجعة .. قالت ميتين قلت اوكي وانا مستغربة ارتفاع الاسعار اخر مرة كان الكشف ميه ... المهم دفعت وجلست في الانتظار ساعتين وربع بعدين نادو علي المهم دخلت على الدكتورة لابسة نقاب قلت انا شاكه اني حامل وفيه الام في بطني قالت خذي اشعة روحي ادفعي عند الاستقبال ثم روحي الدور السادس وطلعت رحت للاستقبال وقالت لي ادفعي ثلاثمية وخمسة وثمانين المهم سألتها اجل بكم برنامج متابعة الحمل قالت الفين وسبعمية وادور في المحفظة ومالقى الا الفين وستمية قلت خليها المراجعة الثانية ....المهم واطلع بفاتورة الاشعة للدور السادس على كلام الدكتورة والقى ممرضة تنافخ علي وتقول ليه تجين فوق انت روهي تحت قلت طيب هم قالو فوق قالت لأ روهي تهت انت مافيه يفهم بأسلوب صراحة زفت المهم وانزل للاستقبال واقول للاستقبال اللي صار قالت موظفة الاستقبال روحي فوق واطلع للممرضة الخايسة وتقولي روهي تهت قلت طيب اروح لمين تحت كلهم يقولون فوق وتاخذ ورقتي قالت خلاص روهي ... وأنا ما أدري وش قصة تحت من فوق .. وانزل تحت وانتظر شوي ثمن رحت لغرفة الدكتورة واسال ممرضتها وهي طالعة تنادي على المريضة اللي جاي دورها ...قالت انتظري واطمئن بس ان هذيك اللي نفسها خايسة ما رمت ورقة الأشعة ...
واجلس نصف ساعة الا جت ممرضة الدكتورة تنادي علي وتقولي تعالي بأسلوب مدري وشو كاني طاقتها قالت تعالي عند الاستقبال بصوت عالي كل اللي معي في الانتظار فزو من الطريقة (قلت في نفسي وش ذا اكيد ضاعت ورقة الاشعة )
المهم نادتني بصوت عالي قالت ادفعي خمسين يالله ... وما فهمت قلت خمسين ايش... قالت يالله يالله بسرأه ادفعي خمسين واللي فشلني انه جاء كم حرمة في الانتظارمن الكراسي يشوفون وش السالفة حسيت اني سارقة شيء ولا ذي كاميره خفيه ... قلت ما فيه مشكلة بس خمسين حق ايش ... قالت كشف همل ميتين وخمسين مو ميتين ... قلت يعني انت متأكدة اني حامل حتى الاشعة مابعد خذتها بعدين وش كشفت علي دكتورتك فيه بس قالت كلمتين خذي أشعة وش التعب اللي تعبته بعدين وجهت كلامي لمسؤولة الاستقبال قلت انا سألتك قبل وقلت ما فيه فرق بالسعر بس عشان الكود أنا غلطت في شيء قالت لي والله بكل ذوق واحترام لألا لا تدفعين شيء بس فيه لبس بالموضوع وقعدت تكلم مع الممرضة بعدين قالت روحي انتظري لحين ينادونك ... واروح اجلس وفيني العبرة من ذا اللي ينافخون علي واسأل اللي جنبي من متى وهم كذا قالت من قلبو مستشفى وهم ماينفعون قلت طيب وراك تجين لهم قالت عشان التأمين عندهم ...واجلس ربع ساعة ثمن نادوا على الأشعة وتجيني وحدة نفسها خايسة توديني لغرفة الأشعة تقولين مغصوبة تدزني على الباب واجي افصخ نعالي جوا و وتدزني على السرير قبل ما أخلص قلت ليه انت كذا ريلاكس انت تعبانه حسبتها هي راح تكشف قلت خل اريحها لا تحوس هالاشعة شوي وتدخل علي وحدة مبتسمة عرفت انها هي اللي راح تكشف قلت لها ماشاء الله انت كويس مبتسمة وريلاكس مو زي هذي (لاني تأكدت ان الخايسة مالها سنع قاهرني دزها ) عاد انتفخ راس اللي مدحتها قالت ايوه لازم يصير دايم ريلاكس شوي وتطلع الخايسة .. المهم خلصت من الاشعة ودخلت على الدكتورة اللي ما فادتني بأي شيء بس سألتها عن علاج كنت اخذه من دكتورة نساء قبل الحمل اكتشفت ان ماعندها فكرة عنه وانا جيت اسألها عنه اكتشفت انها تسألني عنه وكم حبة في اليوم ومتى يوخذ فاستغربت انهاماتعرفه وهو مشهور خصوصا انها استشارية نساء طلعت وانا اقول ميتين وخمسين بالله على ايش ....
المهم خرجت من مركز الحبيب وانا اقول لارجعة له والله لا يحوجني لهم والحمدلله ان ماكان معي الفين وسبعمية ...
مايستفاد من القصة :
ان المركز مادي بحت
لايوجد ادارة جيدة تمنع وتردع الممرضات الخايسات
فترة الانتظار طويلة كانك في حكومي
التخبط مرة الاشعة فوق ومرة تحت والله يكون في عون من هم في الشهور الأخيرة
احسن شيء فيه موظفة الاستقبال ونظافة المكان
(على فكرة انا ناسية الأدوار اللي قالت لي عليهم ما أدري هي الخامس وطلعت السادس للأشعة أو العكس )
اميرةالبحور @amyralbhor
عضوة جديدة
يلزم عليك تسجيل الدخول أولًا لكتابة تعليق.
ووالله انها صادقه ماكذبت في كلمه لان صار لي تقريبا نفس الي صار لها ومصدقتهاالحبيب راس ماله سنيه وسنيه طلعت خلاص هم يقولوون اجازه مفتوحه وش معناهاماعلينا المهم انه خايس
الصفحة الأخيرة
والله يعينها قريبتك ماالومه اذا قالت لا رجعه له
والي يقهر كم اخذو منها 250 على ايش بالله.... من جد حرام عليهم هالناس يحسبوننا نغرف الفلوس غرف ..