مركز الدايت سنتر ( تم دمج المواضيع المتشابهه )

حبيبتي الديت سنتر يكون وجبه واحده لكي وليس لاافراد العائله ويكون افطار وغداء وعشاء وطبعاً تروحي كل اسبوع للاخصائيه عشان تعرف وزنك سار كم وينقص من 4-5 كيلو حسب نوع الجسم وطبعاً اكلهم لذيذ ومغذي ومايعطوكي رجيمات قاسيه ولكن يعتمدو ايضاً على الرياضه

طيب لما اول ماتروحي تشتركي هل يعرضوك على طبيبه مختصه ؟؟؟؟؟؟؟؟

كم قيمة الاشتراك ؟؟؟؟؟؟؟؟

هل ممكن تروحي تشتري منهم من غير اشتراك كأنه سوبر ماركت ؟؟؟؟؟؟؟؟

اذا موجود عندك نظام غذائي من عندهم ممكن تكتبيه لنا ؟؟ظ؟؟؟؟

اسفه طولت عليكي

نعم يعرضوكي على اخصائية تغذيه قيمة الاشتراك 2400 ماعندي فكره تشتري منهم زي السوبرماركة ولكن هم عندهم محل منفصل ممكن تسالينهم عنه

اختي البدويه

طبعا تقدري تشتري منهم الوجبه كامله بدون اشتراك سعر الوجبه 30 ريال وتقدري تشتري منهم اي شي زي السوبرماركت السلطات الساندوتشات الوجبات الحلويات ....

انا اشتريت منهم كوبونات ب 600 ريال وفيها 20 وجبه

كنت كل يوم اخد منهم وجبه وحده

والفطور كنت اخد منهم مناقيش زعتر كميه واحطها بالفريزر وكل يوم اطلع وحده واسخنها للفطور او اسوي

في البيت اي ساندوتش تركي او جبنه بيضا قليلة الدسم او تشدر قليلة الدسم مع الكثير من الخضار يعني خس فلفل رومي خيار كل اللي يجي على بالك حطيه علشان يشبع

والعشا ماكنت اتعشا لاني كنت اخد وجبة الغدا الساعه 7 المسا وكنت اكل نصها لانها تعتبر كبيره والباقي اكله بعدين في الليل لا جعت

وانا اشوف كدا احسن ..وكمان كنت في اليوم اللي ماتعجبني الوجبه اطلب من عندهم برجر دجاج او فاهيتا

وكانت الوجبات تكفيني شهر لاني في الويك اند ماكنت اخد منها

ان شاء الله اكون افدتك

وكمان على الفكره

الوجبة تشبع ماتقدري تخلصيها كلها في جلسه وحده

يعني مثلا السلطه ونص الطبق الرئيسي يخليكي تحسي انو بطنك حتنفجر

انا كنت اكل نص السلطه ونص الوجبة والباقي مع الحلا اخليه في الليل عشا

بس اهم شي كنت اتعشا قبل النوم ب 4 ساعات

وماحسيت ابدا اني في رجيم بالعكس وناسه وكيكات وحلا وسفن اب والوجبه تقريبا 800 سعره حراريه او 600 والله نسيت