مركز تدخل مبكر بالرياض او حضانه تعليمية

السلام عليكم ورحمة الله و بركاته

بنات الي تعرف مركز تدخل ممتاز ياليت تدلني عليه
اتصلت على كذا مركز و الرسوم مره نار والمشكلة اني الاحظ ذم كثير على ها المراكز
دقيت على مركز عين الفرس رسومهم 37 الف بالسنة
و مركز الاوائل 25 الف و مركز الرياض التخصصي ما حددو السعر بس فوق 20 الف
و اتصلت على مركز التدخل المبكر الي بروابي خلوها على قائمة الانتظار في حالات قبلها
وانا ما ابغى اتأخر عن تعليم بنتي هي عمرها 3 سنوات و عندها تأخر عقلي
طول يومها تطالع التلفزيون مع اني ما احط لها برامج اطفال ما عندها مشكله حتى لو برنامج ديني تتابع
وانا بمنطقة بعيدة عن اهلنا فما في احد تحتك معاه
عشان كذا حابة ادخلها مركز او حضانة تكون تعليمية
ياليت الي تعرف تخبرنا لاني اشوف كذا وحدة تطلب نفس طلبي بس ما حد يرد عليها معقولة ما في و لا وحدة مدخله ولدها بمركز
و انا حابة اشوف لها الحين مركز لاني باكون مسافره و ما ابغى ارجع مع بداية الدراسة و ابدا ادور لها ابغى اكون مرتاحة بالاجازة مب قاعدة افكر الله يعطيكم العافية و يشفي مرضانا و مرضاكم و مرضى المسلمين.