مركز شد الجسم في الكويت

لا ياعمري مانفشلج انشالله

المعهد هذا ياطويلة العمر للي تبي تنزل لها كليوين ثلاثه أو بتشد جسمها واهي ضعيفه يكون تمام بس متن وبطن مترهل يبيله موال طويل عندهم وفلوس بالهبل وبعد هذا كله يقولولج لازم تسوين ريجيم وتمشين والا مافي فايده 0000عيل ليش رايحه؟؟
أنا رحت والله وماستفدت وخلوني اشتري من محلهم اللي بسرداب النقره الشمالي اشياء شكثرها من كريم وصابونه وشاي صيني وحبوب ثوم ومادري شنو بعد وخذوا فوق ال 400 دينا وعالطل 00
اقتنعت اني اشتريلي جهاز مشي بالبيت وامشي عليه لو نص ساعه كل يوم وشوية تضبيط أكل وسلامة عمرج 00 والحمدلله الامور تتحسن شوي شوي وبالذات اني والده من 7 شهور تقريبا والجسم يبيله وقت عشان يتضبط بالذات اني كنت متينه قبل الحمل 00

عساني أكون أفدتك 000 تحياتي

فعلا كلام جورية صج النادي ما ينفع اذا ما تستمرين علية لكن اذا تمشين شوي وتعدلين اكلج اوكي تمام وفي دكتور اختي كانت بطة وسوت عنده رجيم والله صارت اختي وحده ثانية

السلام عليكم
جورية الكويت
مضيعة وعرموشة
مشكورين و ما قصرتوا و انا الحين صرفت نظر جزاكم الله خير بس انا الحين وايد سمينه و حامل و راح اولد اخر شهر 9 ارجوكم علموني شلون ابدا رحلة تنزيل الوزن من فضلكم و بدون ما اروح اماكن تخلص فلوس زوجي و تعمل لي انهيار و التالي ولا شي؟! من فضلكم علموني انا محتاجه للمساعده
انا يا طويلات العمر ما عندي خبره بها الامور لاني ما كنت اعملها و الحين بس حسيت اني متينه بعد ما الناس حسسوني جذيه
اشكركم مقدما و مع السلامه
امل الحلوه

ماكو أحسن من جهاز المشي ... نص ساعه الصبح ونص ساعه قبل النوم بس أول ماتشترينه تبدين تمشين ربع ساعه وبعد فتره تزيدين المده.... وبتحصلين نتايج روووعه ... وهالمركز حجي بحجي ماعليج منهم ...

موفقه إن شاءالله :41:

مشكوره انا بعمل بنصيحتك