مركز صحي الربوة ((الى متى هذا الاهمال والتسيب))؟؟

االسلام عليكم ورحمه الله وبركاته
بالبدايه انا طبعا من عنواني احكي عن مركز صحي الربوة ((قسم النساء))
لم ادخله مرة او اثنتين بل اكثر وكل مرة اسوء من الي قبلها الى متى؟؟؟
اين مشرفين وزاره الصحه ؟اين وزراه الصحه من هذا ؟؟ لابد من نظره قويه على جميع المستوصفات من00 والى 0000

انا بقول بعض ....من كل ماشفت 000 وصدقوني ماحكيت ولا كتبت هذا الموضوع وسأظل اكتب الى ان ارى حل لهذه المشكله000
عندي ملاحظه فيه بعض الطالبات يتدربون هناك فكل الغرف مليانه سواليف واذا جيتي تطلعين شرح بسيط مامنه فايده جديده لانهم احيانا يقرون ولايركزون في اللي يقرونه ويغلطون 000

اولا برمضان 00
رحت انا وولدي وكان يفتح المستوصف 9 بالليل وكنت ابطعمه 00والتطعيم ينتهي 11 بالليل
وقفت سرى مع الحريم اللي مدي كيف واقفين وحده جنبي ومعطتني ظهرها وكتفها قبل كتفي ومسندته على كتفي ((يعني تراي قبلك))ماعلينا اصلا هذا بكل مكان مو بس بالمستوصفات 00ماعندنا اصلا سرى ورا بعض((طابور))وغيرها اللي تشكي وتصوت من الحر ومدري ايش المهم جلسنا حوالي ربع ساعه تو الموظفه حقت الوصفات توصل لاااااااا ووش تقول وقفوا بالدور:mad: وبعدين بدت تكتب والله ثم والله ماخذت الوصفه الا بعد ساعه وربع والحريم مايتعدون 15 بس كل وحده تاخذ لخمسه معها وغير كذا الي تعطي الوصفات مره تفتح الباب وتاخذ من عند الباب ومره تاخذ من الشباك وحاستنا 000ومره تقول اول شئ اللي يبون التطعيم كثير خلوني اخذ غيركم اسرع :(
المهم انا جاء دوري واخذت الوصفه ورحت للتطعيم واللي تطعم واقفه عند الباب ماعمري شفتها تبتسم لأم :27: المهم قالت هاتي الوصفه وبعدها قالت لا روحي غيريها غلط لازم يعطونك غير هذي :( يعني باقي شوي ويقفل التطعيم وابوقف سرى من جديد علشان الوصفه الحمدلله رحمتني واخذت الوصفه وراحت لهم ماادري وش قالوا لها بس رجعت في الاولى 000
ماعلينا جتني معصبه وقالت لنا يالامهات انتظروا اللي بالغرفه الثانيه اليييييييييين تشرف ((الي تاخذ الحراره والوزن))شكلها غايبه
وجلسنا ننتظر والله ودي اطلع بس ماعندي استعداد اجي يوم ثاني اوقف سرى للوصفه00
المهم جتنا دكتوره الاسنان بدالهاواخذت الحراره لبعض الامهات وراحت جتها مريضه بعيادتها

ومدري من قال لنا خذوا الوزن لاطفالكم واكتبوه بورقه مع درجه الحراره ((سوينا المطلوب)) وجتنا الممرضه السعوديه))اللي تطعم وقالت ايش تسوو يالله يالله اطلعوا برى 000اسلوب رووووووووعه
بعدين بدت تطعم وهي اخلاقها مرررررررررره زفت لاابتسامه ولا ترحيب ويالله ترد السلام
المهم جاء دور ام معها ولد يمكن عمره 6 او 7سنوات بدى يبكي وهي تحاول فيه وامه تهديه يعني مثل كل الاطفال لاجديد الخوف موجود من التطعيم ومارح يزول واكيد انها متعودة ومو اول طفل يبكي ويخاف
المهم الممرضه ملت وقالت خلاص مارح اطعمه :( وزعلت امه وقالت لا بتعمينه ومار اطلع الا مطعمه ولدي وانتي مو غيرك 00000
وياسلااااااااااام يعني ياليل مااطولت وجوا البنات الموظفات يهدونها ودخلوها بغرفه والام تهاوش وجلست الممرضه زعلانه ولاطعمت احد واحنا جالسين كل شوي نزييييد وامتلى المكان والتسيب واضح يراضونها ولاحلوا مشكلتنا وخصوصا انكم عارفين ان ايام التطعيم محدده بالاسبوع يومين فقط00بالنهايه جتنا ممرضه هنديه تطعم الله يعطيها العافيه000

جيت مرة ثانيه للمستوصف بعد العيد واخذت وصفتين رحت ابطعم وطلع حراره ورحت ابدخل على الدكتورة ولقيت الغرفه مقفله ((كتبت لي بالوصفه غرفه 1 ))وهي من الااساس اللي بعالغرفه غايبه وانا جالسه عند الباب بعدين رحت اسأل ولقيت غرفه ثانيه فيها دكتورة سوريه عندها موظفات من نفس المستوصف ((سوالف))صبرت وكل شوي ادخل حبه حبه علشان يفهمونها وتناديني وعاااااااااااااااااادي هم اهم مني ولما دخلت جتني وحده مسررررررررعه وقالت لي هيه هيه انا جايه قبلك :30: وقلت مو الوصفات بالارقام خلينا نعطيها الدكتورة وهي تحكم 00وقالت لا يادكتورة ولدي يستفرغ معليش ابدخل ((يعني انا قبلها بس بالقوة بتدخل ليش الارقام ماادري))
طبعا جاء دوري وانا عندها دخلت وحده قالت ترى اللي اسأذنت جت 00والدكتورة مسكت التليفون وكلمت المدير وجلست تقوله ترى هذي جت وترى هذي تبي اجازة وترى وترى واليوم زحمه ومدري ايش ((المهم سكرت الخط)) ودخلت علينا وحده وقالت وقعي اجازتي
وبعدها دخلت وحده معها حامل تبي الدكتورة تسوي لها اوراقها وتكتب بيناتها وتوقع ((وانا جالسه))وخلصوا وجاء دورنا اخيررررررررررررا وقالت لازم بخار صدره مرررررره تعبان ورحنا للبخار لين فيه عامله نظافه هنديه جالسه تسوي بخار لنفسها 000
وفي نفس الغرفه لايقل عن خمس الى اربع بنات التدريب يسولفون وطلبت منهم بخار لولدي ووسوت لي وحده الله يعطيها العافيه وغيرت لي الكمامه بعد الهنديه وبعدين بدا البخار وولدي صاح وشال الكمامه وجتني وحده تقول يووووووووة ليش قلت مايحبها انا بعطيه اياهابدون كمامه

طولت عليكم؟؟؟؟؟؟؟؟

بامانه ويش رايكم بهالوضع هل كل الممرضات مكشرات ؟؟؟؟ والا المفروض يكونون بشوشات امام المرضى
هل مكان العمل مكان سوالف
هل المريض اخر اهتمامات الدكتور؟؟؟؟
اذا لماذا المستوصف من الاساس؟