حلمي 5 اترام @hlmy_5_atram

محررة برونزية

مره انقهرت في الموقف الا صار لي تعالوا قولوا صح علي ولا لا

السلام عليكم ورحمة الله وبركاته
كيفكم ان شاء الله بخير بشروا عسى عيالكم نجحوا
دعواتكم لي معهم
الموقف الا صاري اليوم العصر كنت طالعه السوق باخذ غرض
دخلت المحل وهو حق اكسوارات
المهم اخذت خاتم قالي سعره 45 ريال واخذت غرض ثاني سعره 35
كم يصير حسابي كذا ؟؟؟
80 ريال صح
تخيلوا خله حسابي 90 ريال ورجع الباقي على ها الاساس

يوم رحت السيارة ابي اشوف الاغراض و انتبهت انه الحساب غلط المفروض يرجع لي عشرين مو عشره بس
رحت رجعت المحل مره ثانية
وقلت لها لو سمحت بكم حسبت لي الخاتم ؟؟(الغرض الثاني عليه سعره عشان كذا ما سالت)
قال 55 ريال
قلت مو انت قائل لي ب 45 ريال!!
قال بس انتي اخذتي المقاس الكبير !!!
قلت نعم كيف يعني
قال خذي هذا نفس الموديل والشكل وكل شي (نفس انا الا ماخذته قبل )
قلت له بس هذا نفس الا معي
قال لا الا معك كبير وهذا صغير !!!
قلت طيب هات ابي ابو 45 ورجع لي 10 ريال

بنات والله العظيم الخواتم نفس بعض كلهم نفس الشي
بس هو يقول هذا مقاس كبير و هذا مقاس صغير !!!
عمركم شفتوا اسعار الخواتم تختلف وهي نفس الشكل و لون والكل شي فيه؟؟؟
والله الرجال لعب علي؟؟
لانه ما احب اطلع غبية
وكيف التصرف الصحيح في زي ها الحاله؟؟؟؟؟؟؟؟؟؟؟؟

وفيه النهائه الله يحقق مافيه بالكم ويسهل امركم يارب

بنات بقولكم شي وخذوها نصيحه مني
اول شي لو دخلتي محل وحاسبتي مثل بقاله سوق مطعم صيدليه اي محل كان اول ما يرجع لك الباقي عددديه قدام عيونه حتى لو كان حسابك 5 ريال مافيه مشكلة عددي كم الريالات قدامه لا تسمحين له ينقص لك الباقي واذا طلعت من المحل وشفتي انه الفلوس ناقصه صدقيني راح يقول انتي كذابه
وبنسبة للبنات الا ما يعرفون يتصرفون نصيحه لا تخلي احد يلعب عليك قبل لا تطلعي من المحل شيكي على القطعه مثل طايح منها زر او كرستاله او شي لانه لو رجعتيها بيقول انتي خربتيها ودعواتكم لي

يلزم عليك تسجيل الدخول أولًا لكتابة تعليق.

تسجيل دخول

اخت البرنسيسه • 13 سنة

حسبي الله ونعم الوكيل

ورود زهرية • 13 سنة

صار معي موقف حسيت انه ضحك علي ورميت اغراضه بوجهه وقلت بطلت اشتري
قالي يا اختي ابحسبه لك باقل فلت خلاص
قال طيب بالسعر اللي تبينه قلت بين البايع والشاري يفتح الله واخذت فلوسي وطلعت
وما عاد دخلت عنده صرت اروح للمحلات اللي جنبه وما اجيه
كرهته خلاص

الشتاء3 • 13 سنة

معضم المحلا ت نصب في نصب وبالذات اذا كانت اللي تشتري حرمه
لكن اذامعاك محرمك مايقدرو ينصبوا عارفين انهم مفتحين عيونهم زين عند الاسعار

حلمي 5 اترام • 13 سنة

ورود زهرية :

صار معي موقف حسيت انه ضحك علي ورميت اغراضه بوجهه وقلت بطلت اشتري قالي يا اختي ابحسبه لك باقل فلت خلاص قال طيب بالسعر اللي تبينه قلت بين البايع والشاري يفتح الله واخذت فلوسي وطلعت وما عاد دخلت عنده صرت اروح للمحلات اللي جنبه وما اجيه كرهته خلاص

صار معي موقف حسيت انه ضحك علي ورميت اغراضه بوجهه وقلت بطلت اشتري قالي يا اختي ابحسبه لك باقل فلت...

معذورة ولله

-أنامل ناعمه- • 13 سنة

ناس حراميه
الذمه والضمير عندهم زيروووو