طنشيها ووكلي امرك لله  وخذيها الحين اذا تحتاجيها 

الحين امهاتنا وجداتنا ماكانو يعرفو حمض فوليك و لاغيره من هذي الادويه وماشاء الله يجيبو 10 و 12 من البزوره وكلهم بخير بارادة الله طبعا ولو اراد ربي تشوه لجنين والله لو تاخذي مليون علبة حمض فوليك ليصير امر الله  يعني  لو اخذنا كلامها  بمحمل الجد كان كل العالم طلعو مشوهين  
اهتمي بتغذيتك واستودعي الله جنينك وانصحك تغيري ذي الدكتوره والله يتمم لك حملك ويسهل لك ولادته 

ما ودي اخوفك حبيبتي بس خذي كلام دكتورتك على محمل الجد وإذا قالت لك خذي حمض الفوليك يعني خذيه
لان بتحليل الدم تطلع عندك النسبة منخفضة
انا يا حبيبتي في حملي الأول ما كنت أخذ ولا عرفت ايش هي وبأول سونار بالشهر الثالث طلع الطفل عنده التشوه اللي يسمووه انعدام الدماغ وهذا التشوه ما عنده تفسير إلا نقص بحمض الفوليك واظطريت أسوي إجهاض لان الحمل ما منه اي رجا حتى لو القلب ينبض بيتوفى بعد الولادة بثواني الله يعوضني بيه بالجنة يا رب
وبحملي الثاني كنت آخذ من اول ما قررت احمل تقريبا أربعة اشهر ولما حملت اول ثلاثة اشهر وجبت بنتي ما شاء الله والحمد لله ما فيها الا العافية اللهم لك الحمد والشكر
فإنتي يا حبيبتي لا تتهاوني وإسالي دكتورتك تاخذينها لو لا وإذا قالت خذيها فلا تتهاوني
واهم شيء استودعي الله جنينك وإن شاء الله ما فيه وفيك الا العافية

ربي يحفظ لك جنينك وتشوفيه طفل سليم معافى قدامك وتفرحين فيه
والله يقومك بالسلامة

توكلي على ربك الحافظ المانع 
علميا حمض الفوليك او الفوليك أسيد موجود بالغذاء والجسم يحتاجه بكميات بسيطة ان شاءلله تكون توفرت لك ويكون سليم ومعافى لاتخافين

وحبوب الحديد تحتوي على فوليك أسيد افتحي الروشيته وشوفي مكتوب داخلها انا جربت نوع اسمه فيروز ويحتوي على فوليك أسيد 

ان شاء الله ما على البيبي شر
مثل ما قالوا البنات ياما حريم حملوا ب5 و 6 و ما خذوا الحبوب وعيالهم سليمين بفضل الله
من باب الاخذ بالاسباب كلنا نبلع هالحبوب و الحبه صغيرووونه ما تعور و لا تلوع بالكبد ابلعي مثلنا هههههه
اللي راح راح ابدي اخذيهم من اليوم و لا تتهاونين

يادا بعض الدكاتره فيهم كميه استعباط الا مارحم ربي

وحده من الدكتورات قالت لي وانا حامل انتي تاكلي تونه قلت ايه عادي واناا كنت حامل قالت ترى اكل التونه يسبب العمى للطفل

يعني اسلوب مرره اكشن اصفقلهم مثلا

طيب مايقولوا لاتكثري اكل التونه او اي اسلوب ارقى من التخويف والترهيب


حفظك الله ياغاليه واستودعي الله جنينك فالله خير حافظا