مراحب
شهر عليكم مبارك كما هو واضح من العنوان السالفه اننا مره سافرنا مع اقاربنا وهم ماشاء الله كثيرين الى احدى المدن السياحيه وحنا زيهم وكنا مستاجرين شقتين وحده لنا ووحده لهم بس كنا يوميا نطلع مع بعض ما نتفارق بتقولون وين المشكله المشكله ان الرجال صارو يكفرون كرف فينا كل شوي شواهي وقهاوي سون حطت جين ودن وها الحريم بس ما غير قايمات قاعدات وهن عليهن عباياتهن والرجال متكين في ها الجو العليل وبصدرون اوامر والواحد مايشيل ولو شي بسيط
والشي الثاني اننا كنا ماناكل الا رز غدا وقهوه وشاهي اذا طلعنا والعشاء احيانا فول وانا كنت اذا خرجنا الى المنتزهات اكون مشتهيه حلويات نفسي بكوفي او شي يبل الريق كنا جالسين في منتزه فيه مطاعم وكنت اناظرها ودي اروح اكل فيها او اشتري بس ما اقدر وتمر من عندنا سيارة الايس كريم وماني قادره اشتري قد تقولون لي اشتري وكولي وش الي يمنعك اقول صعبه اني اشتري لي شي انا وامي وخواتي والناس الي معنا ما اعطيهم لا صعبه وصعبه اني اشتري للكل وين عددهم مره كثير والشقه الي ماخذينا ماحولها محلات ولا بقالات ولا شي والا كان اذا رجعنا في اليل طلبنا لي انا وامي وخواتي وارتحنا اذكر مره كنا جالسين وجت بنتهم المتزوجه من منطقه ثانيه وكنت مره جوعانه ونفسي بشي وبعدين راحت البنت لم السياره ونزلت معمول شوي ووزعته علينا وكل وحده اخذت قطعه ماتسوى على قد اصبعي يعني تشعي ولا تلهي والمره الثانيه جت اختها وكانت بنوتتها الصغيره معها بسكويت اولكر ووزعت علينا كل واحد قطعه وكنت اقول بنفيسي الله لا يفقرنا ولا يحوجنا الا له انا ما الومهم هم صح ما هم مكلفين بغيرهم بس كنت منقهره من حالي كني مكتوفه ما اقدر اسوي شي اذا شفت حرمه طلعت من شنطتها لطفلها عصير او بسكويت اجلس اذكر الله عليه لا اعطيه عين وهذا غير اغراض السفر الي اهلي شالو نص عفش البيت كنهم بيرحلون وتعبونا حتى اخواي عصب من ها العفش ونفسيت اهلي زفت على اتفه شي الواحد يعصب
تصدقون اني كنت افكر واقول ياحبي لرياض وحرها وبيتنا الي صدق كنت مرتاحه واسوي الي نفسي فيه اذكر لما رجعنا شافتني صديقتي وقالت تمزح احلى سامنه اي وشعليك هذا بعد السفر قلت امحق سفر
المشكله اني من بعد ها السفره تعقدت من شي اسمه سفر وكرهت المناطق السياحيه
يعني ابقولكم حكمه من مذكراتي انه مو كل من سافر استانس
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
اروى حياتي
•
هاذي مشكله اللي يطلعون مجموعه طيب بالسياره وانتو راجعين مرو على اقرب مطعم وكلو بالسياره
خلاص حبيبتي مو مشكلة اذا جيتي بتسافرون ملي شنطة كل اللي نفسك فيه واذا رجعتي الشقة كلي اللي تبغينه
ماشاء الله
حلو العوايل مع بعض بس اذا اتشاركوا بالاغراض يعني العيلتين يشترون الاكل خصوصا ههه يعني مو اذا اشترت عيلة خلاص ماشاء الله ماحيكفي.
وبعدين ليش ماتشترون وانتوا طالعين لبرا بتكونوا لحالكم .
بس انتوا تطلعون بشاهي وقهوة بس والا تجيبوا الاكل وماشاء الله يخلص لانو مو معقولة احد يطلع بدون الاكل وخصوصا جماعة.
عالعموم الله يحفظكم لبعضكم وتسافري احلى من هالسفرة اتوقع راح تبقى ذكريات حلوة هالسفرة لك بس ذحين لانك مقهورة بعد سنة والا شهور راح تحني لها
حلو العوايل مع بعض بس اذا اتشاركوا بالاغراض يعني العيلتين يشترون الاكل خصوصا ههه يعني مو اذا اشترت عيلة خلاص ماشاء الله ماحيكفي.
وبعدين ليش ماتشترون وانتوا طالعين لبرا بتكونوا لحالكم .
بس انتوا تطلعون بشاهي وقهوة بس والا تجيبوا الاكل وماشاء الله يخلص لانو مو معقولة احد يطلع بدون الاكل وخصوصا جماعة.
عالعموم الله يحفظكم لبعضكم وتسافري احلى من هالسفرة اتوقع راح تبقى ذكريات حلوة هالسفرة لك بس ذحين لانك مقهورة بعد سنة والا شهور راح تحني لها
الصفحة الأخيرة