مريت انت وزوجك بمشكله وتغلبتوا عليها ادخلي وشاركينا

هلا بك اختي انا مره صارت لي مشكله مع زوجي كبيره مره وانا
حامل ببنتي لي 7 شهور انتهت بالطلقه الأولى لو اقولك السبب
اني انا من تزوجت وانا في هالمشكله اللي تطفش
انا ساكنه بمدينه غير مدينة اهل زوجي واهلي
يعني اهلي بمدينه واهل زوجي بمدينه وانا بمدينه <<<< مشتتين:22:
وكل اجازه او مناسبه نروح لأهل زوجي وهنا تبدأ المعاناة
انه مالي غرفه مخصصه لي يعني غرفه وحمام وهاذا اللي اعرفه
عند الحمايل كلهم ان مرت الولد لها غرفه وحمام خاص فيها
انا فتحت الموضوع مع زوجي قلت انا ابي غرفه لحالي ما ابي حمام بس غرفه
قعد يقول ان بيت اهله صغير <<<<<<< من وين صغير فوق 5 غرف وغير الدور اللي تحت وش كبره
المهم وقال ان حطوا لك غرفه لازم اخوي الصغير يحط له غرفه اذا تزوج
وهو عنده اخوان بس مو متزوجين ولا لهم نيه يتزوجون يعني مو مستعدين
للزواج والله يالأخوان كلهم 2 اصغر منه المهم قلت مالي شغل بكره يبي
يصير معي بزارين وين ننام انا وبزارين
انا كنت لما اروح لهم تخيلوا انام بأي مكان بالمجلس بالمقلط بأي مكان تتوقعونه
وكنت ما ارتاح كل شوي اقول احد دخل علي من العيال طبعا هو يروح ينام مع اخوانه
وانا بالطقاق وين ما انام انام انشا الله انام مع الشغالات
المهم قعدنا انا وياه وتهاوشنا وانتهت السالفه بالطلاق ورحت عند اهلي وجلست عندهم
شهرين ويوم دروا اهله انهبلوا ماصدقوا الكلام اللي اسمعه
لأني حبوبه دايما معاهم ولا عمري اشتكيت ولا شي وخالي اللي هو ابو زوجي كلم
زوجي وتفاهموا وقاله خلاص تجي ام كادي وتختار الغرفه اللي تبيها:22:
طبعا كانوا مخبين عن خالي السالفه يدرون اذا درى بيزعل على ولدهم وعلى الجميع
لأني غاليه عنده ومايرضى علي هو وخالتي الله يخليهم لي:)
وبعد الموت والذبحه والكلام والقيل والقااال خصصوا لي غرفه بعد طلعة الروح
والحين انا بسألكم يابنات هل لي حق اطلب غرفه والا لأ؟ مو من حقي اخذ راحتي بالنومه
وانا طول ماعند اهل زوجي والجلال فوق راسي متغطيه لأنه البيت كله شباب
وكنت اتمنى لي غرفه اتمدد فيها وآخذ راحتي فيها
تخيلوا يابنات لدرجه بعد مارجعنا من شهر العسل رحنا عندهم على طول طبعا انا وزوجي كل واحد بغرفه
كأنه لي 10 سنين متزوجه والله شي يقرف

الحمد لله ان امورك انتهت على خير والله هدى زوجك لك والله لوتاخذين جناح عند اهل زوجك ما في زي بيتك لحالك عموما عسى المشاكل ما لها طريق لك


بانتظار البقيه

اتحدى وحدة متزوجة ما قد مرت بالمشاكل!!!

انا مريت بمشاكل يشيب لها الولدان وكنت الجا للصلاة والدعاء وما خيب الله مسعاي وجاء الفرج وكان عظيم ولله الحمد وأيقنت فعلا ان عظم الجزاء مع عظم البلاء.........

حبيبتي ام الخمائل ياليت ياليت تقولي لنا المشاكل اللي مريت فيها وكم استغرقت من الوقت حتى جاء الفرج وكيف ساعدتي نفسك وجزاك الله خير

والله موضوع مميز ومفيد....ياحبيبتي الكل يمر بالمشاكل...وخاصه في بدايه الزواج......انا متزوجه من سنتين تقريبا,,,,,وفي بدايه الزواج كل يوم مشكله....وكنت دايما مااقول غير طلقني.......والحمدلله زوجي طبعه هادي....مب مثلي ناااار....لوووول
اكثر المشاكل كانت ماليه.....كنت ازعل لان ماعندي مصروف...حالتنا كانت ارف,,,,,يعني مااقدر اخذ الي نفسي فيه......وكل مره ازعل وماابين له.....لكن في يوم من الايام تكلمت واطلقت العنان لنفسي مثل مايقولون.....قلت له حرام هالعيشه الي انا عايشه فيها.....وقلت كل شي...وبعدين دمعة عينه,,, لاني قلت له ابا ارد بيت اهلي....وانا يوم شفت هالدمعه والله حسيت الدنيا ماتسوى ازعل ريلي عشان وسخ دنيا.......والحمدلله من ذاك اليوم ولحد الان عايشيين في العسل رضيت بحظي ونصيبي ويكفي عندي زوج يحبني ومايقدر يستغني عني....شو فايده الفلوس اذا زوجي لعوب؟؟او قاسي او مايحس فيني؟؟؟
والحين من سنه ولله الحمد مافي اي مشاكل ...واذا كان في فهي بسيطه جدا.......وتنتهي بنهايه حلوه... وماننتظر غير ان الله يرزقنا بلذريه الصالحه,,,,,,,والله تعقدت كله اقول مابحمل طول عمري....الله يلعن ابليس يلعب بمخي.....لكن ان شاء الله ربي ماراح ينسانا.............


قلبتي علي المواجع خخخخخخ اسولف وياج....


وشكرا على الموضوع