اوقفني مشهدد شفته بعيني وحبيت اسرده لكم لعل تستفيدون منه
مره كنت مع امي رايحين للمستشفى وعلى طول الطواريئ المهم وامي تنزل من السياره الا سيارة الاسعاف مستشفى التخصصي بالدمام يركب مريضه وكانت مشاءالله متغطية تمام ولا يبان منها شي وطلعت وراها حرمه وشغاله
المهم كانت ببالي لان غريبه اسعاف التخصصي نفسه يركبها وين يوديها بالعاده تكون سيارة الاسعاف احد المستشفيات الخاصه هي اللي تجيب مريض للتخصصي نفسه .
المهم امي تم تنويمها لعدة ساعات لانها كان بحالة تعب الله يعطيها الصحه والعافيه وجميع مرضى المسلمين
وبيني وبينكم كانت ببالي الحرمه اللي ركبها الاسعاف خلوني اكون صريحه معكم لما شفت المشهد دمعت عيني المنظر يكسر القلب بس مااقول الا الحمدلله والشكر على كل حال .
جلسنا 16 ساعه مع امي بالطوارئ لاني كانت تحتاج نقل دم ومغذي وتعالجت بعدها عرفت بسالفة الحرمه اثناء تواجدي بالمستشفى وهي على لسان والدتها
هي بنت عمرها لا يتجاوز 19 سنه كانت بصحه وعافيه وتمتع بجمال وتفوق بالدراسه مشاءالله وبقدرة قادر البنت بدت تتعب شوي شوي الين بالبدايه حست بالم برجولها وبعد ذالك اخذت عكازين استمرت فتره الين انشل جسمي رباعيا غير قادره على الحركه تمام اخذتها امها للمستشفى وصفوه طبيااا انها تصلب لويحي ووالام تقول انها عين قويه صابت بنتها واصبحت طريحة الفراش البنت اللي كانت كلها جمال وحيويه ونشاط وتفوق صارت تؤوكل وتشرب وتغير لها سبحان الله مغير الحال .
المهم جلست فتره بالمستشفى قبل كم شهر ويوم صرحو لها بالخروج صار المستشفى يروح لها باسم الرعايه المنزليه 3 ايام بالاسبوع لاكن اليوم شفتها اثاريها كانت تعبانه ولازم حضورها للمستشفى وجابها الاسعاف وتم علاجها ورجعها للبيت سبحان الله بالرغم انها على النقاله الطبيه لاكن وربي الشاهد علي لم يبان من جسمها شي ووجها ساتر مشاءالله
جلست ادعي لها من كل قلبي ان الله قادر يغير من حال لحال وان يلبسها لباس الصحه والعافيه ويحرك جميع اطرافها ويرفع عنها وعن جميع مرضى المسلمين انه سميع مجيب
في نفس اليوم شاهدت حرمه كبيره منومه جنب امي بالغرفه وكانت منومه بالعنايه المركزه 8 شهور وسبحان الله بقدرته شفاها الله ورجعت بين ابنائها وهي بصحه وعافيه وهي جايه تاخذ بخار لان مرضها بالصدر واخذت البخار وخرجت بنفس اليوم
الشاهد من هالقصتين ان احنا مانيأس من رحمة الله سبحانه حتى لو طال التعب ولا المرض ولا الهم بس الاهم لما ندعي نكون مؤوقنين بالاجابه وان ربي مثل مانزل الداء قادر ينزل الدواء والله ارحم الراحمين .
اسال الله العظيم رب العرش العظيم ان يشافي ويعافي ويفرج على كل المسلمين ويجمعنا وياكم بالفردوس الاعلى من الجنه ..
معاناة أنثى @maaana_anth
كبيرة محررات
يلزم عليك تسجيل الدخول أولًا لكتابة تعليق.
اسال الله العظيم رب العرش العظيم ان يشافي ويعافي ويفرج على كل المسلمين آآآآآآآآآآآآآآآآآآآمين
هذي مثل قصة صديقة أختي بالضبط بدا الموضوع معها برجفة قوية وطاحت على اهلها ومن مستشفى لثاني ولافي سبب معين مرة غيبوبة ومرة شلل مرة انقلب حالها الله يشفيها ويقولون عين قوية لان كثير بنات يقولون إنها مشاغبة وتطلع من الحصص ومع ذلك نسبها عالية ماشاء الله وتراها على هالحال تقريبا من 7سنوات يارب الطف بها
الصفحة الأخيرة
الله يشفيهااا ويعافيهاا .. ويشفي أميمتك وأميمتي ويخليهن لنا ولايحرمنا منهم ويطول بأعمارهم على طاعته وحسن عبادته
ويشفي جميع مرضى المسلمين
يعطيك العافيه