بسم الله الرحمن الرحيم
السلام عليكم ورحمة الله وبركاته
أخواتي العزيزات يعلني فداكن
ردّن على موضوعي ، أنا وايد أحترم وجهة نظركن ، لأنّاا كلنا حريم مثل بعض ونحس ببعض
ولا تترددن في آرائكن لأني وايد أحترم آرائكن
إن شاء الله يكون في ميزان حسناتكن وفي طول أعماركن وتيسير أموركن في الدنيا والآخره يارب
ندخل في الموضوع . .
أنا عمري 45 سنه متزوجه وعمري 15 سنه من ولد عمتي ، ومرت علي سنه و الله أكرمني بـ ولد وثم ولد وولد وولد (4 أولاد) وريّحت سنواااات و الله أكرمني ببنتين ورا بعض
أستويت أم لـ 6 ، أكبر واحد عمره 28 واللي بعده 24 واللي بعده 22 واللي بعده20 ، و15 و 13
زوجي أكبر مني بـ 5 سنين ، تزوجني وهو طالب في الثنويه
وظحـّيييت وايد معاه ، لأنه طالب ، وماحسيت إني زوجه وما أتذكر يوم الدخله وماحسيت بشبابي
لأن كله كان كراف في كراف ، تعب مادي وجسدي ونفسي
ولكن الحمدلله . . الله عوضني والحين ماشاء الله عيالي شباب ، اصغر وحده من بناتي عمرها 13 وتلبس عبايه ويبين عليها فوق الـ 16 ، طول وعرض
وهذي مشكلتي أن إحساسي الحينه ان عمري 18 سنه وأحب الحواطه والسوالف والكشخه واللبس ، وبالكثيير يعطوني 30 سنه أو34
وصحتي زينه الحمدلله ، وأمشي مثل الحصان ولله الحمد
وأنا ألبس النقاب بطرق مختلفه ومرات بدون نقاب ، ، أتحنّى كل أسبوعين مره ، ، ألبس جميع موديلات العبايات والاكسسوارات
وأسوق سياره ، وأحس إني فاضيه وأحس بـ فرااغ في حياتي وأحس إن زوجي هو أخويه وأبويه وولدي وكل شـي
وماقدر اعيش بدونه ، لـــكن ما أحس إنه زوجي . .
من يوم ماتزوجني ما يدلعني مايداعبني مايدقق ع لبسي مايهتم ، ومايسأل وين رايحه ومن وين يايه
وأنا الحمدلله حرمه متدينه وفيني خير وأعرف نفسي زين
أحب اساعد الناس واحب الصدقه وماخلي فرضي أبدااا
وحجييت من الخاطر ، الحمدلله
وفي رمضان ماروح أسواق ولا حواطه
من البيت لصلاة التراويح والقيام وبس
،،
لكن المشكــــله والعيب هنـاا >>
انا أتعرض للمعاكسات كثيييرا من الشباب والشيّاب
و انا أحط في بالي إني ما آخذ ارقام من احد
بس مرات أضعف ، أو أستحي من بعض الناس ، وآخذ أرقامهم وأكلمهم وأسولف معاهم وأتلذذ بالسوالف معاهم
سواالف عاديه بشكل عام
وبعض منهم أرتااح لهم واايد واحب أسولف معاهم دايما
وبعد ما أنهي المكالمه ، ، أحس إن شخصيتي مهزوزه ، وأندم على كل المكالمات ، ، لأني أخاااف الله
وحاااولت أبحث عن شغل والحمدلله حصلت شغل حكومي ، من الساعه 6 الصبح لـلساعه 1 ونص الظهر
حاولت أشغل نفسي ، لـــــكن مازالت الحاله مستمررره
بعض الناس كملت معاهم 10 سنين وانا أكلمهم ومازلت مستمره معاهم بالسوالف ويعرفوون شكلي تماما
ويقولون لي إني ناادره وإني جوهره وفي برهان على هالشي اللي هو استمرارهم معاي
وطبعا أحب زوجي وبيتي وعيالي ، ومن يوم ماتزوجته وانا واقفه معاه ع الحلوه والمره
وفعلا هو مقدّر هالشي وعارف هالشي ، لكن مايبيـّنه قدامي حتى بكلمة شكر
عيالي الكبار والصغار > أوديهم المستشفيات ، وأوديهم مدارس التعليم ، ، وأوديهم تعليم السواقه كلللهم واحد ورا واحد لين خذووا رخصة السواقه ،وأبحث لهم عن وظاايف
الحين قاعدين نبني بيت بعد ماكملنا 30 سنه زواج
ورايحه جايه من عند المقاول ومن عند الاستشاري مع عوار الراس والتعب والاعصاب وتحمل غلطاتهم وتأخيرهم واختيارهم للمواد
وفوق هذا كله ، التلفونات للحينه ترن
غيرت رقم تلفوني وحطيت رقم ثاني وقلت خلاص مابكلم حد ، لأن عمري ماستفدت شي منهم ، ، إلا تضييع وقت وأتسلى وأسمع الكلام الحلو
ومرت علي فتره قصيره واخترت فئه من الناس اللي ارتاح لهم وعطيتهم رقمي الثاني
لـــــكـــن
"وقت الشغل شغل ، ووقت الكشخه كشخه"
يعني كل شي ياخذ وقته ،مثلآ : الصلاه لها وقت ، وشغل البيت له وقت ، والطلعه لها وقت
وقلبي وايد رحيم ، إن شفت العمال اللي يشتغلون في الشوارع أصيح ، و اشوف الناس الفقيييره قلبي يعورني ، واشوف حد مريض قلبي يعورني ، أشوف اليهال الصغار اتمنى أشيلهم وأحضنهم
هذي شخصيتي ولاتفهموني غلط
وأقولكم مره ثانيه ، إني أحترم رايكن ولا تبخلون علي بآرائكن واقتراحاتكن الله يرضى عليكن ويرحم والديكن
شو الحـل وشو أسوي ؟؟
ولاتكلموني من ناحية الشرع ، ، لإني عارفه اني غلطانه من راسي لـ ساسي
والسموحه
دايما محتاره . . @dayma_mhtarh_1
عضوة جديدة
يلزم عليك تسجيل الدخول أولًا لكتابة تعليق.
ذكرى4
•
انت راعية خير وفي خيييير ماشاء الله وما كتبتي الموضوع الا وانت عارفه الغلط
عليك بالدعاء في الشهر الكريم ودعي عنك هذا العمل من احل ربك سبحااانه ثم من اجل اولادك الرجال لو اكتشفوا هذا العمل
اما زوجك ممكن تصارحيه يهذا الاحساس
دعواتي لك بالتوفيق
عليك بالدعاء في الشهر الكريم ودعي عنك هذا العمل من احل ربك سبحااانه ثم من اجل اولادك الرجال لو اكتشفوا هذا العمل
اما زوجك ممكن تصارحيه يهذا الاحساس
دعواتي لك بالتوفيق
أختي في الله . . "حب زوجي"
أنا فكرت في هذا الموضوع كثير
ويزاج الله كل خير ، والله يطول بعمرج
ودعواااتكم
أنا فكرت في هذا الموضوع كثير
ويزاج الله كل خير ، والله يطول بعمرج
ودعواااتكم
اللهم اغنني بحلالك عن حرامك وبفضلك عمن سواك اللهم ارني الحق حقا وارزقني اتباعه وارني الباطل باطل وارزقني اجتنابه
ردديها دوما
ردديها دوما
والله ما ادري ايش ارد عليك لانك بعمر امي وانتو ادرى
لكن بقولك انتي سويتي اشياء افتخري فيها ربيتي اولاد وكبرتيهم ووقفتي مع زوجك وبعد هاذا كله تصوري يدرون
وش موقفك وين امهم الي ربتهم وكبرتهم راح ينسو كل هالاشياء
وكمان بعد ما كبرو حسيتي بالنقص بالاحاسيس والمشاعر ويبيلك من يعوضها لك
وما لقيتي غير هالطريقه انك تكلمي عشان هالشي
حاولي تلقيها بطريقه ثانيه غير هالطريقه انا قولك هاذا حقك وما احد يعارض لكن بطريقه ترضي رب العالمين وترضيك
حاولي تعيشيها مع زوجك بطريقتك انتي لا تقولي مستحيل زوجك لسا صغير بعد
اذا يبي بيدورها مع غيرك
عيشي الحب معاه دلعيه وقوليله الي بقلبك فرغي مشاعرك بأشياء بعيده عن الحرام وغضب رب العالمين
الله يوفقك ويسعدك
لكن بقولك انتي سويتي اشياء افتخري فيها ربيتي اولاد وكبرتيهم ووقفتي مع زوجك وبعد هاذا كله تصوري يدرون
وش موقفك وين امهم الي ربتهم وكبرتهم راح ينسو كل هالاشياء
وكمان بعد ما كبرو حسيتي بالنقص بالاحاسيس والمشاعر ويبيلك من يعوضها لك
وما لقيتي غير هالطريقه انك تكلمي عشان هالشي
حاولي تلقيها بطريقه ثانيه غير هالطريقه انا قولك هاذا حقك وما احد يعارض لكن بطريقه ترضي رب العالمين وترضيك
حاولي تعيشيها مع زوجك بطريقتك انتي لا تقولي مستحيل زوجك لسا صغير بعد
اذا يبي بيدورها مع غيرك
عيشي الحب معاه دلعيه وقوليله الي بقلبك فرغي مشاعرك بأشياء بعيده عن الحرام وغضب رب العالمين
الله يوفقك ويسعدك
الصفحة الأخيرة
أنتِ أمراه ناجحه بمعنى الكامله ربيتِ وتعبتِ والحينن تحصدين تعبك
حرام كل اللي جنتيته وتعبتِ عشانه يروح عشان نزوات ....
أنتِ وضعك أفضل من غيرك كثير تقدرين تكونين علاقات مع حريم وتطليعين وترجعين معاهم وتملين وقتك
أو تروحين دار ايتام او عجزه وتقضين كذلك وقت معاهم
أتمنى لك كل خير