مريضه متضايقه عندج هم متوهقه بموضوع طبقي هالاربع وشوفي

السلااااااااااااامعليكم ورحمه الله وبركاته
شلونكم بنات حووواء شخباركم اول شي حبيتكم تقبلوني اخت في الله لكم واتمنى من الله ان ينفعنا لبعض قولوا امين
المهم ذاك اليوم طلع شيخ على قناة بدايه والله ماني عارفه اسمه يقول اذا صادفتك مشكله او متضايق او مريض طبق هالاربع يقول دقت علي فتاه تقول يا شيخ انا السنه اللي طافت تزوجت بعد فترة من الزواج مرضت وماعرفت السبب لما رحت حللت طلع مرض خطير فيني وبزوجي زوجي نقله لي عن طريق الحرام وصارلنا مده نعالج وماكو فايده المرض للحين فينا قالها اسمعي يابنت الناس انا بقولج على اربع اشياء وطبقيهم
اولا: كثرة الوضوووووووووووووووووء
كثرماتقدرين يابنت الناس توضي انتي نايمه وانتي صاحيه اذا احدثتي توضي خليج اربع وعشرين ساعه على وضووووووء
ثانيا: اكثري مدح الله
الله يحب العبد اللي يمدحه (ممكن توضحولي هذي ما فهمتها)
ثالثا:كل ما تضايقتي وتذكرتي المرض قولي هالاربع سبحان والحمدلله ولااله الا الله والله اكبر وكثري من الاستغفار تحسين براحه عجيبه
رابعا:الصدقه
كثرماتقدرين تصدقي لو بالقليل المهم حطي ببالج مايمر يوم الا انتي متصدقه
ويقول طبقت هالاربع بعد كم يوم دقت علي تقول يا شيخ احس براحه عجييييييييييييييييبه قالها اكيييييييد انتي الان على صلة بالله منو مايكون قريب منه وما يرتااااااااح المهم قلتلها استري عليهن الين الله يمدجلج بالشفاااااااا يقول الشيخ بعد فترة جاني مسج من هالحرمه يوم فتحته تقوووووووول(ابشرك ياشيخ انا تشافيت توني جايه من الدكتورة وبشرتني يقول على طول دقيت عليها ابعرف التفاصيل تقول رحت اليوم للدكتورة اللي صارلي مده انا وزوجي نتعالج عندها يقول اخذت الفحوصات وراحت يقول يوم جت والا معها المصحف وتحطيدها عليه وتقوووووول اقسم بالله اللي خلقني وخلقكم انكم تشافيتوا ومافي اثر للمرض والحين انا توني جايه يقول باركتلها
ومرة دقت علي وحده تبكي تقول يا شيخ انا كنت على علاقه بواحد وملجت فقلت له خلااص مابيني وبينك شي
تقول الحين يهددني بالصور اللي عنده يقول بشوف شلون تتزوجين يقول وهي تبجي حيل المهم تقول ترجيته ومافي فايده يبي يفضحني قالها الشيخ الحين انتي لاتدقين عليه وان دق عليج لا تردين عليه كلش وطبقي هلاربع وبعد فترة دقي علي قالت زين بعد فترة دقت وهي تصيح تقوووووووووول يا شيخ الحق خربت يقول لازم اشوفج علشان نتفاهم شسوي قال اي هذا الشيطان يوم شافج قويتي علاقتج بالله يبي يخرب عليج انتي طنشيه ولاعاد تردين على تهدديداته المهم بعد فترة يقول طرشتلي البنت مسج وقالت يا شيخ انا بالحرم وقاعده ادعيلك الله يفرجها عليك انا ادعيلك بالحرم والصور معي الله يجزاك خير
فياخواتي اللي عندها هم اومشكله تطبق هلاربع وتشوف النتيجه واللي تستفيد منها تدعيلي بالشفاااااااء وراحه البال وحفظ القرءان ون الله يرزقني بالولد الصالح واكووووووووووووون داعيه لاجمل دين وهو دين الله أميييييييييييييييين