اللهم ياودود يا ودود ياذا العرش المجيد يافعالا لما يريد نسألك بنورك الذي ملأ أركان عرشك وبقدرتك التي قدرت بها على خلقك أن تشفي أختنا وأولادها وتعافيهم وتهون عليهم غربتهم وترزقهم الصبر الجميل
اللهم آمين أمين آمين

اهلين اختي الصبوره الله يشفيك يارب ,, ولاتزوديها على زوجك وعلى نفسك مااظن زوجك قالك كذا لأنك حسستيه ان اهلك واخواتك غير عنه لا مانصحك خلي زوجمك يحس انو يواسيك ويساعدك اذا مرضتي وانتي راح تردينه له اذا احتاج ان شاء الله ما يمرض ,,

والله ياختي ماتوقع انك مثل حالتي الا بجد تحتاجين فيه لأمك او بس وحده من اخواتك وهو وقت ولادتي ..

والله ياسنيوره حملت بعيده عن امي وكنت ماسكه بيت وزوج وبنتي الله يحرسها وكنت ادرس بعدها ولدت
لكن مااكذب عليك تمنيت احد جنبي من اهلي ولو اخت من خواتي تخيلي ولدت تمنت احد يسوي لي اكل اول يوم نفسي بشوربه حااره ميته برد وجوع يومين بالمستشفى قبل الولاده والله ما حد عندي حتى زوجي مرره تضايق تمنيت احد يساعدني بالبيبي يعني يمسكه عني لا بكى انام لي شوي مرتاحه وكان البرد العام عمره ماجاء مدينتنا يعني جانا ستورم ايس اذا تعرفيه,, تخيليا البلد كلها تجمدت يعني انقطع فيه الكهرباء والأتصال تخيلي هذا صاربعد يوم طالعه من المستشفى ومافيه لكهرباء بالبيت واحنا محتاجينه مرررره (تكييف - اكل مويه حاره -حتى السخنات حقات الحمامات يعني الولده تكون محتاجه لمويه دافيه تتوضى فيها ) يعني ماانسى العام ابداً في حياتي من الغربله اللي صارت لي سميته يوم في التاريخ لي انا والنونو بعدها تخيلي خيوط وتعب الولاده ووووووو اخذت اغراض واضطريت اروح لوحده من صديقاتي بعيد عن مدينتنا ومشت الأيام لكن والله زوجي ابداااااااا ماقصر ولا ندمت وتوكلت على الله لأن ربي كاتب اللي بيصير ..

يمكن طولت عليك لكن
والله حبيت اعطيك ماعندي يمكن تهون عليك حالتك ياقلبي والله تصدقين االغربه احلى مافيها انو تكون انتي وزوجك في بيت في مدينه في دوله بعيده عن مجتمعك علشان تحسين شوي انك مرتبطه فيه بكل حاجه مع بعضكم وهو كذالك

الله يهون عليك يارب ويشفيك وكلها كم يوم وتتعافين ماتشوفين شر ..