مريم

و الله يا بنات انى متأثره جدا
انا ليه واحده صحبيتى عندها بنت اسمها مريم , عندها سنه و نصف
مريم مشاء الله تبارك الله طفله رائعه جميله جدا و ذكيه جدا وانا احبها جدا جدا جدا
الله يحرسها و يحفظها من العين قولوا مشاء الله
المهم انا و زوجى نخرج كل خميس مع اصحابنا و منهم مامة مريم و باباها و طبعا مريم حبيبتى
و مريم تسيب الكل و تيجى تقعد فى حضنى و انا ما اقدر اقاومها افضل العب معاها و اعلمها حركات و المره اللى بعدها تيجى فاكره كل الحركات و تعملهالى علشان الاعبها مشاء الله عليها
المهم الكل بقى ياخد باله و يقولوها يالا روحى لصاحبتك اللى هيه انا
ومامتها كانت صاحبيتى و كنا ننزل نشترى حاجات لمريم سوى و كانت كل ما تشترى حاجه لوحدها لبنتها لازم تجيبها توريهالى ونلبسها لمريم واقعد اصورها بالجوال و اعملها خلفيات على الكمبيوتر بطلب من الام نفسها و كنت براعى انى ما اتدخلش فى حياتهامع بنتها و الله
و كانت كل خميس لازم تورينى كل الكلمات اللى اتعلمتها ومامتها تقول و مريم تقول وراها و انا اتبسط عليها جدا مشاء الله عليها
و بعدين اتغيرت الام فجأه مش عارفه ليه و بدأت أحس بغيرة فطنشت مريم علشان مامتها ,مش عارفه حد يغير لما حد يحب بنته كدهو بعدين هيه اللى كانت بتورينى بنتها
و كانت تقولى انتى اكتر واحده أأمن على بنتى عندها
المهم بقت مريم تعيط علشان تيجى تعد عندى كل ما تشوفنى و مامتها مش عاوزه تنزلها و انا عامله نفسى مطنشه الى ان بطلت الام تخرج معانا و قطعت علاقتها بينا
و الله و هو الوحيد العالم بما فى نفسى والله انى وحشيتنى مريم جدا جدا
و شفناهم الخميس اللى فات بالصدفه المهم انا مش عاوزه اشاغل البنت و هيه قاعده جمبى بس قلبى كان بيتقطع نفسى بس أشيلها و اخليها تبوسنى
و البنت تعيط و مامتها تقولها مش حتروحى عندها و تقولى انا بعلمها الادب
طبعا و الله انى مقدرة غيرة الام على بنتها و حقها دى بنتها يعنى ملكها
ربنا يحفظها و يخليها لمامتها و يحميها

بس و الله يا بنات والله انى وحشيتنى مريم جداجداجدا نفسى بس اشوفها و العب معاها شويه و تعمل حركاتها الرائعه و تقولى كلماتها الجديده يعنى ما تخيلتش انى اتعلق بيها بالشكل ده
و الله انها وحشانى جداجداجدا

الله يحفظها اّمين