شمس العشاق

شمس العشاق @shms_alaashak

محررة برونزية

مر خمس شهور وانا ما نسيت

الأسرة والمجتمع

السلام عليكم ورحمة الله وبركاته

بنات انا تعبانه نفسيا من سالفة طلاقي ..اهلي ما قصروا فيني عمرة واعتمرت ..وحج ولله الحمد حجيت...لكني للحين مجروحه..زوجي طلقني من غير سبب..ما تخيلت انه ممكن يفرط فيني بكل سهوله ..من خذته وهو كله مسافر استحملته وايد..مقصر علي وساكته وكنت اشوفه ملك ..وموصلتنه فوق عند اهلي وصديقاتي..وقال لي انتظري المفاجاه بعد ما اخلص دراستي ..خلص ..واصر انا نسافر وانا قلبي قارصني حاسه ان هالسفرة وراها شي..وبعد السفر طلقني من غير اي سبب..وهذا اللي مخبلني ..بعد الطلاق ..اكتشفت انه على علاقة مع وحد زميلتي في العمل ياااااااالله ...بس لعب مو زواج لبسها ويشتري لها الهدايا ويواعدها ...وهو قدامي كان يذمها ويسبها ويقول انها صديقة ربيعه..وغير عن جي ..كان ماخذ ارقام ربيعاتي ويحاول يسوي علاقات معاهم..:(
وهم خبوا عني وما قالوا لي الا بعد ما تطلقت...
انا تعبانة مب مستوعبه الطلاق...ومب مستوعبه الغدر ومب مستوعبه اني مغفلة وعبيييييييييييييييييييطة ...
انا مجروحه مجروح احسه قص علي بكلامه الحلو...خدعني بزيف حبه...ترجاني وترجى اهلي علشان اقبل به..واهلي معرضين بسبه فرق السن اللي بينا ..صاح صياح لما رفضته حتى بيتنا نط جداره وكان بسوي لي فظيحه بس علشان اوافق عليه...كان مجنون غير طبيعي ..ولما وافقت عليه عشت احلى ايامي معاه...مع انه دوم مسافر بس حبيته ...بذمتكم يابنات في حرمه في هالايام من يجيبون طاري زوجها قلبها يدق بقوة ...من زود حبي له قلبي يدق ..حتى اسمه استحي اناديه به...دايما اناديه حبيبي...يالله ما توقعته يغدر فيني ..

رحت الحج وطلبت من الله ينسيني اياه ..بس مب قادرة من رجعت البلاد كل مكان يذكرني به..الشوارع ..المحلات..الطيارة..المطار..المدرسه..المطر..الشمس ..الليل ..غرفتي ..سيارتي ..كل شي ..كل شي :(

وهو انا ولا على باله..

معقول في ناس بالحقارة هذه ...ناس تاخذنا لحم وترمينا عظم...ناس ما تهمها غير نفسها..وين الخوف من الله وين..؟
أذكر لما كان يقول لي ان المطلقات يكسرون خاطره ...كيف هان عليه اكون مطلقه..كيف ؟!! انا ما أذم الطلاق لو انع عيب او حرام ما أباحه الله ولا رسوله ..بس كيف يقدر الشخص يعيش بقناع ...ويقول كلام واحاسيس عكس اللي يحس به..ها طلاقي الثاني ..وانا ما تسرعت بزواجي الثاني ودرسته عدل ...والحرمة في زواجها الثاني تكون محافظه اكثر وحريصه اكثر ...تدرون يا بنات انا في زواجي الاول يمكن استمر شهر ...اما زواجي الحقيقي فهو زواجي الثاني ..تعلمت منه اشياء واااااااااااااااااااااايد..وايد..وكنت معاه في كل لحظاته ..وفترة دراسته كل وقتي اكلمه ..ولا كانه مسافر عني ...حتى يوم يكون في البلاد كل دقايقه معاي ..استغربت كيف قدر يكلم رباعتي ويكون علاقات معاهم انا وين كنت؟!!
والحين...

في اثنين متقدمين لي ..واحد مطلق وعنده 3 عيال وعياله عند امهم ...

والثاني مطلق من غير اطفال ...

وقلت لهم انا سديت باب الزواج خلاااااااااااااااااااص ..واحسه إني مب قادر أثق في الرياييل ...وفي المقابل في ضغط علي عشان اوافق ..يقولون لي تزوجي عشان تنسينه ..وين اقدر انساه وانا اشوفه حتى في احلامي ...وانا غدره سكين بعدها مغروسه في قلبي ...
ما تخيلته بالقسوة هذه ابد ...

ياليته مهد لي الطلاق او هيأني ولا انه صدمني جي ...

اعذروني يابنات تعبااااااااااااااااااانه ومب قادرة اشكي لحد بعد الله غيركم ..

ساعدوني ولو بدعوة ...ادعوا ان الله يربط على قلبي ويصبرني ويحببني بنفسي لاني كرهتني ..لاني عبيطه
98
8K

يلزم عليك تسجيل الدخول أولًا لكتابة تعليق.

تسجيل دخول

يارب حسن الخاتمة
الله يربط على قلبك..ويصبرك ويعوضك بافضل منه بمليوون مرة

ولا تاسفي على شخص مثل هذا..

كيد قلبك محروووووق

لكن تحتاجي لشوي وقت عشان تنسي..

نصيحتي لا تتسرعي بقرار الزواج من جديد..خذي فترة كافية تريحي اعصابك من مضوع طلاقك..غيري جو..او سافري.زاو انشغلي بشي جديد

قلبي معك والله..

وربي يوفقك ويسعدك ويعطيك لين يرضيك ياارب العالمين
لسحاب الابيض
لسحاب الابيض
اللهم فارج الهم كاشف الغم فرج همها واكشف غمها
اللهم يارب يوريكي فيه من عجائب قدرته اللهم امبن
فو1كه
فو1كه

ياقلبي الله ينسيك اياه
بس ماعليه حسوفه والله
لأن الغدر شين

كثري استغفار وحاولي تنسينه
واسخيري ربك في الزواج انه ييسر لك الخير
وعيشي حياتك لاتضيعيتها بقهرك على واحد مايسوى

وان شاء الله ربي يقدرلك الزوج الوفي اللي يعزك ويسعدك ..
حلم6666
حلم6666
الله يربط على قلبك..ويصبرك ويعوضك بافضل منه بمليوون مرة ولا تاسفي على شخص مثل هذا.. كيد قلبك محروووووق لكن تحتاجي لشوي وقت عشان تنسي.. نصيحتي لا تتسرعي بقرار الزواج من جديد..خذي فترة كافية تريحي اعصابك من مضوع طلاقك..غيري جو..او سافري.زاو انشغلي بشي جديد قلبي معك والله.. وربي يوفقك ويسعدك ويعطيك لين يرضيك ياارب العالمين
الله يربط على قلبك..ويصبرك ويعوضك بافضل منه بمليوون مرة ولا تاسفي على شخص مثل هذا.. كيد قلبك...
المبتسمه28
المبتسمه28
الله يعوضك ويرزقك بالزوج الصالح