مزاجي رايح فيها ...

السلام عليكم .

هلا حبايبي شخباركم وشمسويين ؟

والله بنات انا نفسيتي تعبانة .. والحين قاعدة بالدوام ومتضايقة حدي ...

اقولكم ليش؟؟؟؟

انا فيني حاله غريبة وساعات احس اني مريضة نفسياً :o والله جد ماضحك معاكم ..

عندي شي اسمه مزااااااج يعني يوم تحصلين مافي احسن مني ويوم تحصلين مافي اخس مني

عصبية حتى على عيالي مع ان مالهم ذنب بس اتنرفز من اقل شي .. وماستحمل اي شي ..

ولين جات انام يكسرون خاطري واحس ان ما عندي احساس وساعات تشوفيني ادلعهم اشوي وبسرعة اتملل وفيني شي بايخ اني لما اكون متنرفزة من شي احط الحرة فيهم ..

وشي ثاني ساعات اتذكر مواقف او اشياء سواها زوجي حتى لو كانت صاير لها فترة طويلة بس اتذكرها اكره زوجي ..ومااعامله عدل يعني اعامله بجفاء ...واقول انه ما يستاهل شي ولا يستاهل احبه مع انه يموووت فيني واذا يوم خبى علي شي وماقال لي شي اقول في خاطري (خله ينطر اقول له شي والله لا اخبي عليه كل شي اسويه) ..

وتجيني حالات اشك فيه اذا عنده انتظار عالخط .. اذا مارد عالتلفون وانا معاه .. واذا واذا واذا وعاد تعال يا مزاجي وعكر علي ..:06:

واذا زوجي جي بيقول لي كلام حلو اقول له ها اكيد تبي شي ..:11: مسكين زوجي تراه مو مقصر علي في شي بالعكس احس انه قاعد يكافح ويبي يطور نفسه وماشالله قاعد يكمل دراسته اكيد لي انا ولعياله ..

بس انا مادري اشفيني .. ماحس اني اعطي زوجي حنان وحتى لو قلت له كلام حلو بالمسجات ساعات يرد وساعات ما يرد ولين مارد اقول (طنش تعش تنتعش ) والله ماطرش له مرة ثانية ..
وما يستاهل ..

قبل يومين كنت اتمشى معاه وكنا قاعدين نتكلم كان يقول لي انتي فيج غرور (هو يفسر هالشي انه غرور ) وان ما يعجبني شي وان مزاجي هو اللي مخرب علي بس في نفس الوقت طيبة وحبوبة ..
على فكرة هالمزاج مو بس مع زوجي وعيالي مع كل الناس...

آآآآآآآآآآه احس ودي اكتب واكتب بس قريب بينتهي دوامي وارجع البيت

انطر ردودكم فديتكم وابي حل حق هالشي