مزاجي وكتوم وعصبي مره

السلام عليكم

تزوجت من ثلاث سنوآت تقريبأً ..
زوجي عصبي وبنفس الوقت كتوم ..
أعيش انا ويآه بمنطقة الرياض بينمآ اهلي واهله بمنطقه أخرى غير الرياض
ولا عندي اطفال

مشكلتي
ان زوجي يعصب مني لأتفه الأمور ..
وربما لا سببب لها ..
وكتوم ولايتكلم ..
ولمن اجي واتكلم معه بهدوء يقول مافي شي ..
بينما يتجهالني تماماً مثلاً

حآلته في بيتنآ بالرياض
يجي من دوآم الساعه 2 ونصف .. وينآم لحد المغرب ..
يصحى يجلس شوي .. يسأل اجيب شي ولا
ثم يطلع ومايجي إلا الساعه 10 ..
لجآء يجلس عند التلفزيون او حآسب
او مرات يرجع يطلع ومايجي الا الساعه12 ونصف
ثم ينآم ومايعطيني فرصه حتى اتكلم معه
وان جيت واتكلمت وياه اثناء النوم يقول فيني النوم
وهكذ الحيآه
..
ومره
كنآ يوم رايحين عند اهلي واهله
نزلت علي ( الحيض ) والله يكرمكم
واتصلت عليه قلت له انها نزلت علي .. علشآن نراجع الدكتوره اللي اعالج عندها
فمآ ان تكلمت إلا يقول بتصل عليك بالليل
لمن اتصلت عليه بالليل
كآن معصب لدرجه يتلفظ بألفاظ شينه وتجرح
ويقول انك تبشريني بأنها نزلت عليك ؟

بعدها قال لا تكلمنيني .. وبالفعل .. تركته واتصلت على خالتي افهم وش فيه
وقالت خليه ،، إذا عصب منك
ويوم جآء الصبآح الثاني أخذني
ورحنآ لبيت اهله ..
وكآن الوضع جداً هاديء .. يعني هدأ ورجعت له حالته الطبعيه
من الحب والاهتمآم والدعوآت الحلوه ..

يوم رحت عند اهلي ..
وجلست فتره اتصلت خالتي وقالت لي وش صاير بينكم ؟
قلت لها مافي شيء ليه وش صاير ؟
قالت انه توه راجع من المستشفى لأنه ارتفع الضغط عنده
انصدمت .. كيف ؟ وليه .؟
قالت لي انه يقول من سببها .."من سببي أنا "
..
المشكله اني ماسويت شيء ..
لأنه يفكر فيني وبالحيضه
مايبيها تنزل
يبيني احمل
وإلى متى بيستمر الوضع انها تنزل معي كل شهر ؟
وانا بأنتظرك لمن تحملين ؟
وانك ماتتجملين عندي
ولمن يبغآني انام معه اني ارفض
هذآ مايفكر فيه زوجي ويقوله لي .

يظن الحمل بإيدي
وانا مارفضت له طلب ..بالعكس أوافق اني أنآم معه
وانا اتجمل له .. لكن ليس بشكل مبالغ لأن بشرتي حساسه

بعدها كبرت السالفه وبدت تدخل امي وامه ..
لأجل امور تافهه جداً

وبعدها بالأخير هدأ زوجي ..
وطلعت معه ..
وقلت له لمن تزعل او تعصب وضح لي علشآن افهم ..ووعدني ..
وكآن ناوي يخليني عند اهلي ..
لكن امه رفضت .. هددته
ومثل ماقلت رجعنآ زي العسل ..

ورجعنآ لبيتنآ خلال هالاسبوع
وبعدها بيومين زعل وتكتم وعصب ..
لاادري وش سويت بالضبط
واليوم قال لي اننا بنروح عند اهلنا
وانا متفاجئه لايكون بيرجعني!!
قلت ليه
قال في زواج بأحضره وبرد لوس لخويي
قلت مافي مشكله انا بجلس وانت روح ولجاء بكره تعال
قال ليه السالفه لعبه روح وجيه
ثم قلت اوك بنروح
ثم جيت بخلي غرض في بيتي قال خذيه انا ماخذ اجازه

يعني فيه تناقض في كلامه

مشينا
وكنا في السياره لايتكلم ونفسه بخشمه
ولمن قلت له بروح معك لعند اهلك قال ليه
قلت وش ليه
ووداني عند اهلي غصب

يعني اكيد بيخليني
وش اسوي

متقلب وعصبي وخلآص احس انه مايبيني ..
ويجلس بالايام على مآيرضى ..
أنا ماابغى اتخلى عنه ...لكن هو ..ربمآ يرغب ..
دايم يتضايق
دايم يدور الاخطاء ويتصيدها علي
طفشت والله من زعله علي

اسعفوني رجاءً
يعني انا ماادري ليه هالتقلبات مزآج
ولاادري وش انا سويت بالضبط علشآن يعصب مني
لدرجه انه يتركني عند اهلي ..
ولايرد علي لمن اكلمه
وكثرت امور زعله وضيقته
وانا خلاص صبري نفذ ومااقدر اتحمل اكثر من كذآ
ودي انفجر