مزايا و عيوب الزواج من الطبيب,,أريد مشورتكن

اختي انا اقولج المزايا والعيوب

العيوب :
?- الطبيب لازم يدرس علطول يعني بعد التخرج ان شاء الله اذا يبي يصير طبيب استشاري لازم يدرس مو اقل من خمس سنوات زيادة بره البلد ، يعني تعودي واحد يكون مجابل الكتب علطوول و بعد اذا بيسافر بره لازم تتعودين عالغربه وتقعدين بالبيت بروحج .
?-دوام الاطباء شفتات يعني عادي تقدين ليلة بالاسبوع او اكثر بروحج بالبيت .
?- ممكن يتصلون فيه المستشفى في اي حزه .

المزايا :
?-رواتب الاطباء ممتازه خصوصا عندكم بالسعودية و بالامارات وغير هذا يعطونهم مميزات كثيره من بدل نقدي للاثاث والسكن والانتقال (ماعرف شلون دولتكم لكن انتي سئلي اهل الاختصاص)
?-الطبيب يكون مشغول دايما بالدراسه والشغل وماعنده وقت للخرابيط
?-اذا تبين اجازات مرضيه على كيفج ههههههه انتي بس امري
?-اذا لا سمح الله عندكم احد مريض الطبيب يقدر يحولكم على احد معارفه من اطباء المستشفى او يعطيكم موعد زين
?-الطبيب يكون متعود على الدم والجروح والاشياء اللي تحوم الكبد يعني مستحيل ينقرف من شي ! يعني تطمني اذا ولدتي او كنتي بالنفاس او صابك مرض جلدي لا سمح الله ماراح ينقرف منك
?-يكفي ان اسمه طبيب ومهنته ساميه واكبر فخر انك زوجه طبيب

هلا اختي
كلام الاخت greentea صحيح
وماشاء الله عليها كفت ووفت
لكن ازيد
من العيوب -الطبيب يكون مشغول جدا طول الصباح وشغله يحتاج جهد نفسي وعصبي كبير
لذلك يرجع البيت مايبي يسمع صوت ولا يبغى مشاكل مع احد ولا حتى يبي يسمع اي شئ
وممكن يكون مصدع على طووووووووول
لكن برضو فيه ميزه - مراعي جدا نظرا لكثرة انشغاله يتلهف على الاجازه لتعويض زوجته وعياله ودائم حاس بالتقصير تجاههم لذلك ممكن تكونين مقصره بشئ ولا يحاسبك لانه حتى هو مقصر معاكم.
وعلى فكره كل هالكلام يعتبر نسبي ولا اعمم

بس برضو من واقع تجربه
عمري ماحسيت ان عمل زوجي عائق بالعكس
ولا عمري تندمت اني تزوجت طبيب
وفي نفس الوقت اشوف ناس مررررره متندمين او بالاحرى مسبب لهم مشكله
بالتالي هذا الشئ ما يعتمد على المهنه بقد ما يعتمد عالانسان نفسه
وسلاااااااااااامتك
تمنياتي لك بالتوفيق

والله أنا أشوف ميزاته تطغى على عيوبه

وأمنيتي أني أتزوج طبييييييييييييييييييييييب << أدعو لي:arb:

حبيبتي العيب مو في نوع العمل لا العيب في الشخص يعني البطال فين ما يكون عمله بطال والمحترم فين ما يكون شغله محترم عشان كذا ركزي على صفات واخلاق الشخص اكثر
والله يوفقك لكل ما يحبه ويرضاه ويرزق الزوج الصالح الي يسعدك

التركيز على مواصفات الشخص ياما حريم متزوجين رجال بوظائف مريحه وسهله مع ذلك ماهم مرتاحين وياما متزوجات اطباء ودكاتره ومرتاحين والعكس صحيح يعني يعتمد على الشخص
ووظيفه الطبيب وظيفه ساميه ومهمه بالمجتمع والزوجه لازم تكون متفهمه لطبيعه زوجها
بالنسبه للاختلاط الاطباء متعودين عليه وعادي بالعكس كثير من الاطباء محترمين وراقين بالتعامل ولاعيونهم زايغه ولا شي لانهم متعودين على عمل المراه معههم
الله يوفقك يارب ويكتب لك الخيره
يارب اتزوج طبيب او دكتور يكون ذو خلق وصلاح
رب اني لما انزلت لي من خير فقير