السلام عليكم
عمة زوجي متزوجة اماراتي وساكنة معاه من سنين بالامارات تجي كل فترة زيارة للمملكة تزور اخوانها واخواتها
امس جات مع ولدها عشان تزور ابو زوجي لانه صحته تعبانة شوي
بعد ماطلعنا من البيت ركبت معاها ومع اخت زوجي بسيارتها وكانت تسولف طول الطريق للمستشفى وانا قلتلها ياعمة كيف علاقتك ب فلان لي هو زوجي
قالتلي ابد زينة الحمدلله رغم اني ما اشوفه الا نادرا وبعدها سكتت وقالت لي زوجك ملعون قبل بفترة لما جا ل ابوظبي زارني بالبيت وقالي عمتي ابغى اتزوج من هنا بالسر وبس اخلص اموري اخذها للمملكة واعلن الزواج وصمم اني ادور له وماحصلتله وحصلت له وحدة قبل فترة وكلمته عليها وقال
انا سكتت وصرت ارجف وهي تطالع فيني
قلت لها جد ولا تمزحين
قالتلي اي جد بيني وبينك مزح ياملقوفة اعرفك ولا تعرفيني ولد اخوي وجا طلب مني اخطب له واخت زوجي صارت تضحك تقولي يافلانة بتجيكي ضرة اماراتية تطلع عيونك وصارت تضحك مع عمتها
وطول الطريق هي وبنت اخوها يعطوني كلام وانه الشرع حلل اربعة واني مو اول وحدة زوجها بيتزوج عليها ومثلي كثير
وانا حاولت فيهم الا تقولي كلامي جد
وبعد ما انهارت اعصابي وانا قاعدة بالانتظار معاها ضربتني بقوة على بطني وقالت لي امزح امزح لاتخافين لا في ضرة ولاهم يحزنون بس انا حبيت امزح معاكي
الله يهديها بس على هالمزح للان مامستوعبة هي تمزح ولا كيف لانه اسلوبها كان جدي ورسمي معاي رفعت ضغطي الله يهديها وانا بالشهر الثامن
torq9 @torq9
محررة
يلزم عليك تسجيل الدخول أولًا لكتابة تعليق.
الصفحة الأخيرة