مزمار الحي لا يطرب ...............

بسم الله الرحمن الرحيم

اكيدسمعتوا المثل اللي يقول ( مزمار الحي لا يطرب )

وانا صايره مزمار الحي عند زوجي ...من يوم صك عمره الاربعين وكل شي بالبيت ما يعجبه وكل شي برا البيت ممتاااااااااااااااااااااز

قبل فتره انعزم عند اخوه توهم ساكنين وجاي منهبل من التشيز كيك ويخذرف فيه كأنه اول مره بحياته يذوق تشيز كيك وانا التشيز كيك حقي مشهور ومعروف يطلبونه مني الناس وكل اسبوعين اصلحه له ولا عمره مدحه

عاد انا امس رحت لمرة اخوه وبالصدفه حطت لي تشيز كيك .. الحرمه ما قصرت جزاها الله خير كريمه وتستاهل كل خير بس بصراحه التشيز كيك عاااااااااااادي مرررره بسكوت اولكرمطحون وجبنه كيري وكرز قواطي اانا قدرها على تعبها وتقديرها لي .. بس زوجي الله يصلحه مدري وش يبي ما يقارن باللي اصلحه

من يوم تزوجته وانا ابخر البيت قبل لا يجي والبخور هو اللي منقيه وعلى ذوقه ولا عمري يوم تركت البخور الا انكاني والده ورايحه لأهلي وبيتي ريحته تهبل ... وذيك المره جاي من بيت صديقه ويقول ما شاء الله على فلان ما عمري رحت لمهم الا وريحة بيته فخمه كأني داخل على شيخ قلت ما شاء الله عليه الله يهنيه .. قال بيني وبينك الحرمه لا صارت سنعه تسوي البيت جنه ... قلت صادق شف انا سنعه وبيتي دايم ريحته بخور قال لا ما قد شميت البخور ببيتنا الا اذا فيه عزيمه :09:

لا وكل شي اسويه انا غلط وكل شي يسوونه غيري صححححححح .. لو اخذ حقي من احد يقول انتي عنجهيه ولو غيري تصير شخصيتها قويه ولو اتزين يقول ما همك الا التزين مهمله بيتك ولو اقول له عن وحده طول النهار تتزين قال كذا الانثى لازم تكون واذا سويت رجيم قال انتي مريضه نفسيا واذا اخته سويت رجيم قال مهتمه بنفسها .. واذا شريت الغالي قال مبذره واذا امه اشترت الغالي صارت ذوق واذا اشتريت الرخيص قال بخيله واذا اشترت اخته الرخيص قال مدبره

عااااااااااااااااااااااااد امس هزلت وطفح الكييييييييييييل جاي من بيت المقاول يمممممممدح في بيته ، بيتهم يهبببببل ومرتب وفيه مفارش على الطاولات ومعلقين لوحات وجابوا لي شاهي يهببببببببببببل وانه قال للمقاول بيتك يهبل قال ذوق ام هيثم !!
تقولون بيته هو حوووووووووووسه وجدرانه صلعاء ؟ ودي احط لكم صور بيتي يا بنات بس عشان تشوفونه والله العظيم مهوب مدح لنفسي بس والله العظيم كل من بغى يفرش بيته من قرايبنا يجي ياخذ افكار ويصور بيتي
وبالنسبه للشاهي كلمت على ام هيثم وسألتها وش شاهيكم انه عجب ابو فلان ( زوجي ) تدرووووون وش قالت ؟؟؟ شاهي اكياس بالياسمين :icon33:زي الليبتون ... انا قلت يمكن هلحين خارفينه بنفسهم من الحقول اللي بالجبال والا طابخينه في ابريق معين والا بطريقة معينه

ما اقول الا الله يصبرني ويهديه