مزيدا من الرأفة بمشاعرنا

]]ياأختى كل الذى تقولين عنه أخاف أوهام ليش ماتتكلمين مع أحد قريب لكى مثل أختك أو قريباتك وبعدين لاتختبأين في البيت أظهرى نفسك وأفرضى نفسك علي من هم حولك ولاتدفنى نفسك وتحطميها بشى ء ليس لكى به ذنب أخرجى وتجاهلي انظرات بأي شىء أخر وأجعليهم يفخرون بك وينظرون لكى بعيون الأعجاب بما تفعلينه أوتنجزينه وبالخير الذى تفعلينه لاتنتظرين الأحسان من الناس أفعلي خير وأنسيه سوف تجدينه جزائه من الله في الدنيا بحظ كبير أومحفوظ عند الله في الأخره أرجو الدعاء لي بالخير لكل ما MS]

ان شاء الله ربي يبعثلك نصيب يسرك ويجبر خاطرك وبالنسبة للتافهين ضعاف النفوس لا تهتمي فيهم وخلي ثقتك بنفسك كبيرة وقولي للي يتريق عليك خلقة ربي وأنا راضية فيها بتتهزي على المخلوق وللا على الخالق ؟؟؟؟؟؟ناس تافهة ومريضة الله لا يبلانا والله انقهرت على حالك لا تزعلي ولاتهتمي وادعي إنو ربك يكون معك

بنت ابوها ............ والله والله كلامك جدا مؤثر ..
مشاءالله على شجاعتك وجرأتك بصراحه كلامك كله صحيح .. انتى ماعليك منهم اهم شى خلى ثقتك بنفسك كبيره .. اول شى انت تعرفين ان الله اللى خلقك .. وثانى شى انتى مشالله تعرفين تحطين مكياج عيون يناسبك ويظهرك بمظهر حلو .. يعنى كلنا نزين نفسنا بالمكياج وكل وحده تعرف تضع مكياج يجملها ويظهرها بصوره اجمل .. وهذا شى فى صالحك .. المهم خليكى على نفس اهتمامك بنفسك.. واللى يقول لك اى شى عن عيونك .. قولى الحمدلله ربى اللى خلقنى .. او قولى لهم اجابه تذبحهم وتخلى الكل ساكت .. قولى شكلى عاجبنى
ماعليك تجرأئى وقوليها .. اول مره اذا قلتيها بتتعودين عليها .. قولى الحمدلله انى عاجبه نفسى ومقتنعه بنفسى .. وواثقه بنفسى ....... وصدقينى كونى لك صداقات جدا تفيدك .. والناس دايما تحب اللى مجلسهم ماينمل من كلام طيب وسوالف حلوه .. وخفة ظل وخفة دم
خليكى قويه .. ولا توقلين حظى بسيط .. الحمدلله الله يعوضك خير .. وقولى الحمدلله يمكن عيونك واسعه بس الناس ماتفهم شنو الفرق .. المهم اول شى حبى نفسك بالاول لانك اذا حبيتى نفسك بتساعديها .. اشلون انتى مو مقتنعه بنفسك وماتحبين نفسك وتنظرين لنفسك نظره سطحيه وتلومين الناس انهم يطالعونك بهالنظره.. انتى اذا ماساعدتى نفسك .. وماقويتى نفسك من الداخل بيجرحونك ويسهل عليهم تحطيمك
اهم شى قولى الحمدلله ناس الله حرمها من نعمة البصر.. وانتى الحمدلله كل من يحب العيون الواسعه.. ماعليك بس زينيهم بالكحل والآى شدو .. واعرفى طريقه تصغر العيون بطريقة وضع الظل وهكذا .. ماعليك .. اهم شى تقتنعين وتحبين نفسك .. و ابحثى فى نفسك اشياء جيده ماهى موجوده عند غيرك .. يمكن ايمانك افضل من الناس اللى تتكلم عنك .. ضعى فى بالك انك افضل من الناس اللى تتكلم عنك .. وان الله فضلك عليهم بشى آخر .. المهم لاتنظرى لنفسك انك اقل منهم .. ولاتتحاشين الخروج الحمدلله انتى بخير ونعمه المهم حبى نفسك وثقى بنفسك والله يكتب لك التوفيق .. وارمى كلام الناس ورا ظهرك ترا كلامهم مايزيدك الا تعب وألم .. المهم ارفعى نفسك عن هالاشياء السطحيه وثقى ان ناس كثيره تحبك اذا هم ما اهتموا فيك واللى يتكلم عن عيونك .. ردى عليهم وقولى الحمدلله عاجبه نفسى .. هذا اللى يهمنى .. وباقى الكلام ارميه ورا ظهرك .. ترا الدنيا ماتسوى تشيلين الهم .. والناس مادروا عنك يستانسون ويلعبون ويمكن مايدرون انهم رموا كلمه تجرحك وتخلى يومك كله ضيقه وكدر .. الله يبعد عنك الضيقه
المهم لا تستسلمين لكلام الناس .. وخلى ايمانك بالله قوى .. والله انشالله مايتركك ولايخذلك ..
المهم والله راحتك النفسيه .. الناس وش يفيدونك اذا تعبتى وضيقتى خلقك وجلستى بروحك وحبستى نفسك
عادى شوفى الدنيا .. والبسى واكشخى .. واللى يقهرك او يحاول يكسرك خليك قويه وقولى والله عاجبه نفسى .. الله يهدى هالناس مدرى ليه حاطين دوبهم بدوبك وحاشرين نفسهم .. حسبى الله ونعم الوكيل .. ولاتدعين على الناس.. صفى قلبك وصفى نيتك .. قولى للى يجرحك الله يهديك.. والله يسامحك.. لاتشيلين الضغينه والحقد لاحد صدقينى بتتعبين .. واللى يقولك هالكلام قولى بقلبك .. اللهم رد كيدهم فى نحرهم .. وارفعى راسك .. والله الدنيا ماتستاهل دمعه او لحظة حزن على تفاهات الناس .. وعقلياتهم البسيطه

الله يسعدك .. ويطمن بالك

صح في ناس يتطنزون على اشكال غيرهم كان كل واحد خلق عمره وابد مافي مراعاه لشعور الغير بس صدقيني حبيبتي خليج واثقه من نفسج وافرضي وجودج وردي على كل واحد مرة مرتين بينطمون وبيسكتون والله يرزقج بولد الحلاال .. بس حبيت اقولج انا اعرف وحده هيه عيونها كبار وبعد فتره لاحظت انها برزت وعرفت انها ياعمري عندها الغده الدرقيه فانتي شوفي يمكن يكون له سبب وتتعالجين واذا كان مالها سبب ادعي رب العالمين انه يجعلها احلى صدقيني اذا قال له كن فيكون ....

وي وي وي حبيبتي لا و ليش تبكين؟؟؟؟ على ناس ما يستحقوا دمعة وحدة من عيونك
لا يا عيوني هذا شكلك و هاذي خلقة ربك الي عاجبتك و الي لازم تكونين مفتخرة بيها وش ما تكوووون...و ما حد ليه صلاح..الي عاجبه عاجبه و الي مو بعاجبه انت عاجبة نفسك...لا عيوني و انت ايش ناقصك؟؟ البسي و اكشخي و ارفعي راسك و شبرقي بعيونك بعد...ما له صلاح و يا ريتهم يفكرون بيك مثل ما انت تفكرين بيهم و بكلامهم إلي ما يسوى...و الصدق إن هاذي النماذج صايرة كثيرة بس اتذكري انه ربي قال: (( إن ربك لبالمرصاد)) يعني ربك بينتقملك منهم و مو كل شي يروح هوا..
يعني عيونك إذا ما بتعجبهم بتعجب غيرهم..
و ليش يا عيوني ما تثقين بنفسك؟؟ و ايش ناقصك؟؟ أنا يوم ما قرأت اسمك قلت هاذي أكثر وحدة واثقة بنفسها بالمنتدى..شوفي مشاركاتك و ردودك بالمنتدى كلها تدل بالفعل إنك فعلا بنت أبوها لا و عضوة شرف عالم حواء بعد ما شاء الله وش تبين بعد :D يعني هذا كله يدل على انك شخصية حلوة بأفكار أحلى اظهريها و اكشخي و لا يهمك كلام الناس..و مثل ما قالت أختنا (أنا الحساس) روحي اتأكدي عن طبيب ان كل شي تمام ما يخالف..المهم أوعي تفقدين ثقتك بنفسك و لا تسمحين للناس يتمادون بكلامهم عليك..و انت قدها وقدود :D

و بشرينا وش سويتي :27:
سلامي :)