موضوعي اليوم مخالف شوية على المواضيع اللي كنت كنكتب قبل فالقسم و لكنه في نظري أهم من داك الشي كاااااااااامل , لأن النظافة و الرائحة الطيبة من أساسيااااااات الأنثى , و عيييييييب عيب كبير لما تجي تسلمي على شي وحدة و تشمي فيها ريحة العرق . بعض المرات كتلقاو شي وحدة مرتبة في اللبس و الماكياج و الشعر و لكن ريحتها افففففففففففف مع الأسف الشديد على رأي اخواننا المصريين , من برة هالله هالله و من جوه يعلم الله ههههههههه
و لكن قبل ما نبدا بغيت نوضح واحد المسألة عدد كبير من الأخوات تلقاها كتشكي من العرق و كتبحث على شي حاجة تحبسه , في حين أن هاد الشي خطططططر , الى كانوا عندك افرازات ديال العرق كثيرة ربما كاين خلل فالهرمونات و لازمك تمشي تشوفي الطبيب , أما بالنسبة لمسألة العرق فالأهم هو أنه الرائحة ما تكونش و لو يخرج الماء , لأنه شيء طبيعي المهم الريحة ما تشمش فيك بتاااتا و الكلام هنا راه على النساء و الرجال .
نبدا بهاد مزيل العرق اللي قلتلكم ساهل و رخيص و فعااااااال و ما كيسودش الابط بحال شي مزيلات أخرين
المقادير اللي كنحتاجوا أولا :
علبة Byly راه كتتباع عند محلات الماكياج و فينما مشيتوا خذوا اللي غطاها أخضر و مكتوب فيها fresh
علبة بيكينج صودا غنحتاجوا منها ملعقة صغيرة فقط
و علبة صغيرة للخليط
الطريقة :
الطريقة سهلة جدا , هي أننا غادي نخلطوا داك الأنبوب ديال كريم بيلي فديك العلبة و نزيدوا عليها ملعقة صغيرة مملوءة بالـبيكينج صودا
و نخلطوا الكل مزياااااان
و صافي نغلقوا العلبة و نخليوها و ها هي جاهزة للاستعمال
كنظن راه الأغلبية كياخذو دوش فالصباح , و كنحطها تحت الابط ديالي , أما فأيام البرد, لما كنفيق فالصباح و كنغسل الابطين ديالي مزيان بصابون الطاووس و كندهن بالخلطة و صافي , الحمد لله ما عمري تشمات فيا ريحة العرق و هذي الخلطة اعطيتها لكلل اللي فالدار كيستعملها من الصغير حتى للكبير و حتى اللي جلده حساس ما يخافش منها قللوا شوية البيكينج صودا و صافي .
اللي عندها استفسار فيما يخص الموضوع مرحبا
تقبلوا مودتي
:26::26:
وشكرا على النصيحه جزاك الله خير