السلام عليكم كيفكم يا سنعات
اليوم جايبتلكم بخاخ خطير مرررررررررررررررررررررررررررررررة ضروري لكل بيت يغنيكم عن الخلطات اللي تسوها عشان البقع وتلميع الاشياء و بقع السجاجيد المستعصية زي التوت وحبر القلم
اسم البخاخ سيترس المزيل الشامل
انا شفته عند ماما وجابتلها هو خالتي لانه ماما كان عندها موكيت لونه سكري وتعرفو كيف السكري يتبقع على طول ولو جاها ضيوف بقع عصير بقع شاي والله بخة بسيطة ودعكه خفيفة ويروح زي السحر
والله انا اللي عاجبني فيه كمان لما ولدي الصغير يستفرغ استخدمه له ويروح على طول لا ريحة ولا شئ ولا يحتاج خلطات عشان الروايح
ومن استخداماته
لازالة الدهون والزيوت والبقع من الموكيت والملابس البيضا وتنظيف الافران و تنظيف المطابخ واواني الجلي و الحمامات والسيراميك والاطارات والماتورات والشحوم
طريقة استخدامه
يرش السطح المراد تنظيفه و يمسح مباشرة
تفرك الاوساخ المستعصية باستخدام القفازات
تحذير
لا يستعمل على دهان الاملشن والالمونيوم و الجلد الطبيعي
وصناعته اردنية
ودي صورته
وسعره مرة حلو بالنسبة لحجم القارورة 10 ريال
ينباع في الدانوب وفي الراية وفي يابلاش في جدة واذا احد شافه في مكان تاني يكتب الله يجزيكم خير