الله يعينك

زي ماقالوا البنات ..وزياده خلي بيتك كله تتوماتيك واجهزه مثل غيالة الصحون والملابس والمجفف وبكذا بتكونين استغنيتي عن الشغاله لان حتى لو زوجك طاع يجيبلك انتي من نفسك ابعدي عنهم الله لايحوجنا لهم ولو اضطريتي جيبي بالساعه وريحي راسك ..والشغل حبه حبه اهم شي اول باول والظاهر والداخل بعدين

جيبي اجهزة تساعدك غسالة اتوماتيك ومجفف وغسالة مواعين ..

اشتري ملابس كثير وخلي يوم واحد للغسيل ومع الاتوماتيك والمجفف ما حيتعبك وكذا افتكيتي من هم الغسيل واذا ممكن ثياب زوجك تنكوي برا اريح كمان مثلا يوم الاحد ..

خلي يوم للمطبخ اول الشهر افرمي بصل كثييير للطبخ وفرزنيه وكذا شهر كامل ترتاحي من ريحة البصل وشوفي ايش اكلكم مثلا رز غالبا اشتري دجاج كمية وقطعيها انصاص اوارباع حسب طبخاتك وفرزنيها حق شهر مثلا يوم الاثنين ..

ويوم ثالث خلي تنطيف للبيت كامل من الى وباقي الايام يسير تنظفي بس الصالة وغرفة النوم وحمامكم وباقي البيت تنظيف اسبوعي يوم الثلاثاء مثلا ووممكن كل ثلاثاء تخليه تنظيف عميق لاحد اجزاء البيت..



وبكذا يجي الويك اند وانتي مرتاحة خليه خفايف واكل من برا وريحي لا تسوي شي ترى كثر الشغل يقصر العمر

..اذا كنت فاضية ممكن تسوي حشوات دجاج او لحم مفروم واذا يوم مالك خلق للطبخ او سهرانة يصير تخلطي الحشوة مع مكرونة مسلوقة وفوقها بشاميل وتصير احلى صينية بدون تعب ..

..فيه فواحات كهربائية من لايف ستايل مرررة روعة شغليها دايما تعطي احساس بالانتعاش ..
قبل النوم لا تنسي سبحان الله والحمد والله اكبر ..

..وانتي تشتغلي شغلي اذاعة القران ودايما شغلي سورة البقرة فالبيت تطرد الشياطين ..

وصدقيني كل شي بالتظيم يسهل وعودي زوجك يساعدك فتربية الاطفال ..

ولاتنسي يا اختي في كل عمل احتسبي الاجر وتذكري ان الاطفال نعمة عظيمة محروم منها الكثيرين واشكري الله عليها لان بالشكر تدوم النعم ..

اتمنى اكون افدتك دعواتك لي بالشفاء ..

الله يحفظهم لك ويرزقك برهم

نوووم الليل فوايده لا تعد ولا تحصى

يقويك ع الشغل وعلى تحمل الضغط اليومي

لكن بما أننا مقبلين ع الشهر الكريم والليل قصير ما يمديك ع النوم

أول شي ،، خلي نظافة المطبخ والملابس والصالة والحمامات ( وأنت بكرامة ) أول بأول

غرفة النوم والمجالس يكفيها مرتين بالإسبوع

ثاني شي ،، أطبخي مرررة وحدة بكمية كبيرة ( الحاجات اللي تتفرزن ) وفيه مواضيع حلوة تفيدك ف المطبخ ( نصائح مطبخية وكذا ) ف حاجات ما تجي ع بالك بس تنفعك وقت الزنقة زي ( كشنة بكمية كبيرة وتوزيعها ف علب صغار او بلاستيك وتخرجي منها لما تنزنقي ،، تفرمي بصل او ثوم وتحطي عليه زيت وتوزعيه كمان ،، تفرمي الزنجبيل الطازج وتوزعيه ،، تسوي كمية السلطة بدون ملح وليمون وتحطي عليها زيت وتقفلي عليها علبة كويس ) يعني هذا اللي ببالي الحين

وبعدين ربي يحفظهم لك تري صغار لسي مامنهم شكاوي غير تنظيم نومهم ومرضهم الله يصلحهم اللي يلخبط الوحدة ،،


وقبل كل شي خلي لسانك رطب بذكر الله وأحتسبي الأجر ف كل شي رااااح تتهني ف حياتك ومسوؤلياتك الجديدة ،،

نفس معاناتي بس انا مايعلق وﻻ يتكلم متى مانامو قمت اشتغلت واذا كانو صاحيين اكووون جالسه معاهم بس اقوم اسوي شي على خفييف اذا على زوجك قوليله قدر وضعي وﻻ تتكلم اللي اقدر عليه بسووووويه وخليه هو يساعدك فيهم