@shosho @shosho_61

محررة برونزية

مسائل حول الغده أتمنى تشرفوني لرد

أمس رحت للمستشفى لعمل بعض التحاليل الشامله في مستشفى قوى الامن لاني لاحظت في اخر البلعوم من يمين تورم بسيط رغم الي يطالعني مايشوفه انا احس فيه من جوى الحلق المهم رحت عملت التحاليل المطلوبه وخلصت على الساعه 10 الصباح وماجا المغرب على 6 الا المستشفى يتصلون على البيت وقتها كنت اتقهوى ورد زوجي اي نعم انا زوجها خلاص ان شاء الله ابشر وسكر قلت عسى ماشر قال يطلبونك في الاسعاف والطواري قلت ليش فيني شي رد وجلست ارتجف وبصراحه حسيت بدوخه وغثيان والدنيا صارت تدور فيني قال يابنت الحلال يقولون لقينا فيها مشاكل بالغده وطبعا ماصدقته وطلعت للمستشفى بعد المغرب وجيت وسؤالات واجوبه من عندي وربي جاني خوف موطبيعي لان الدكتور ماجاني الا 11 مساء من مغرب وانا عندهم وقلت لالا فيني شي واخر شي جاء طبعن وقال زوجي طمنا قال الغده عندها متضخمه ومسببه لهاخمول شديد وبصراحه مستغربين ماجاها اغماءات لاقدر الله قال زوجي لا وانا اطالع قلت هل تسبب الوفاه هل تسبب الامراض لاقدر الله قال لا تطمني بس خوفنا من الاغماءات لان بصراحه الغده 10 وانتي 100 مرتفعه مره وانا الحمدلله عندي بنت وولد ولاعمري شكيت من شي حتى من اعراضها الجانبيه الا بس التورم الي اقول وخفيف وطلعوني وانا الحين متوتره وعلى اعصابي وعطوني موعد على السبت على الطبيب المختص وعطوني الثيروكسين 50 ورجعت البارح الساعه 12 ونص وسؤالي من مرت بهالحاله وعدة على خير او سمعت نفس حالتي وكم الغده الطبيعيه وهل حالتي خطره وجزاكم الله خير الجزاء واتمنى تدعون لي لان دعوة الاخ لاخيه بالغيب مستجابه .

611

يلزم عليك تسجيل الدخول أولًا لكتابة تعليق.

تسجيل دخول

@shosho • 14 سنة

وعلى فكره توني والد مالي الا سبع شهور وماكان فيني شي ولاعمرهم طلبوني تحليل غده وقت حملي

@shosho • 14 سنة

بس من أسبوعين حسيت أني بدى يزيد وزني شوي فقط وانتم تعرفون اصلا الوحده بعد النفاس لابد يزيد وزنها وخاصتن لاصا رت ترضع لانها تجوع

@shosho • 14 سنة

رفع

...حساسه حبتين... • 14 سنة

الله يشفيك يااقلبي

طبيعي دا ولا تخافين هم نادوك لانهم خايفين علشان النسبة فقط

لان الخطر اذا كنتي حامل فقط

وبعدين الغده انتشرت في الاونه الاخيره

انا اكتشفتها بالصدفه من ضمن تحاليل عامه

واعراضها مثل ماقلتي اللي لاحظته زياااادة في الوزن

ونومي ثقل شوي بس

انتي استمري على جرعتك

الصراحه مافيه مدى معين للنسبة الغده فهي تختلف من معمل الى معمل هذا اولا

ثانيا لكل انسان مدى خاص فيه يعني ممكن يكون الرقم اللي طلع عندك طبيعي او اقل من الطبيعي
لان يسوون لك تحاليل ثانيه يبين لهم نسبة الهرمون في الدم فقط

انتي توكلي على ربك واقري الفاااتحه الشاااااااافيه على رقبتك باذن واحد احد تضبط امورك

وبعدين خمسين حلو يعني الخمول مو زايد مره

اهم شي روحي مواعيدك ولا تهملينها انا رااجع بخاص الموعد مع التحليل يكلفني فوق خمس ميه

وكل ست اساابيع

انتي توكلي على ربك الامن حلو مره وماشاء الله كفااءاات

واذا خذيتي الدواء وكتبولك على الجرعه المنااااسبه لازم تلتزمين بعدة اشياء اسئليهم عنها

اللي هي تاخذينه على الريق ونفس الوقت وماتنسينه

والحمد الله علاجه بسيط حبه بس الله يشفينا يااارب

اذا افدت بشي تكفين ادعي لامي الله ينصرها على من ظلمها والله يجبر كسرها ويفرج همها

* عبير 4 * • 14 سنة

ان شاءالله اختي ما عليك الا العافية الحمدلله اكتشفوا و اعطوك الثايروكسين انا لي الحين 9 سنوات اخذ الثايروكسين و الحمدلله كل شي تمام انا كنت اخذ 100 بس حللت بعد ما حملت غيروا لي الجرعة 150 انت لا تفكرين كثير و ان شاءالله ان كل شي يبي يصير تمام ......