مساااااااااااااااااااعده عاااااااااااجله!!!

الله يقويك عندي فكرة شوفي السلطات اللي بالمنتدى و لو بدك غيرهم لي قادرة تفيدك ان شاء الله من شان تعرفي شو بدك

السلام عليكم ورحمة الله وبركاته
اتمنى ان افيدك وانتى اختارى اللى يعجبك حسب نوعية الاكل اللى حتعمليها

سلطة البطاطس

2 بطاسطاية كبيرة مسلوقة – 2 معلقة زيت زيتون – معلقة كبيرة عصير ليمون – فص ثوم – 2 معلقة كبيرة بقدونس مفروم – بصلة متوسطة مبشورة – ملح وفلفل – ربع كوب زيت زرة
الطريقة
نقطع البطاطس المسلوقة مكعبات
نضع الزيت الزرة على النار ونضع علية البصل و الثوم لحد ما يحمروا
نضع عليهم البطاطس و الملح و الفلفل و نقلبهم بالراحة بالمعلقة
وطى النار و سيبيهم شوية حوالى 10 دقائق وبعدين شيليهم من على النار
وضعيهم فى طبق مع نص مقدار البقدونس
اخلطى الليمون بزيت الزيتون كويس
وبعدين صبيهم فوقهم و عليهم نص البقدونس التانى
و بالهنا والشفا

سلطة الفراخ

صدر فرخة مسلوق ( ممكن لو كان بايت )- نص كيس مكرونة اى نوع ماعدا الاسباكتى –
4 معالق كبيرة مايونيز – ملح وفلفل – معلقة كبيرة عصير ليمون –
بطاسطاية مسلوقة و مقطعة مكعبات – جزرة مبشورة
الطريقة
نسلى الصدر الى خيوط متوسطة او مربعات صغيرة
ثم ضعى صدر الفرخة المقطع على البطاطس مع الجزرة المبشورة
مع المكرونة المسلوقة واخلطيهم كويس
ضعى الملح والفلفل و الليمون على المايونيز و اخلطيهم كويس
وبعدين نصبهم على خليط الفراخ و تقلبى كلة مع بعضة
و بالهنا والشفا

سلطة البقدونس

3 حزمة بقدونس – 2 بصلة متوسطة – ربع كوب زيت زيتون –
نص كيلو طماطم – عصير لمونتين – ملح وفلفل
الطريقة
اغسلى البقدونس كويس وبعدين خرطية بالسكينة مش رفي
نغسل الطماطم ونقطعها مربعات صغيرة
نقشر البصل ونقطعة رفيع .
نحط البقدونس على الطماطم على البصل ونقلبهم
اخلطى عصير الليمون مع زيت الزيتون مع الملح والفلفل
وبعدين حطيهم على السلطة
وقلبيهم كويس و بالهنا و الشفا

سلطة الخيار باللبنة

3 معالق لبنة – 2 كوب زبادى – فصين ثوم مهروسين – 2 خيارة – ملح
الطريقة
اغسلى الخيار وقشرية و ابشرية بالمبشرة ورشى علية رشة ملح
ضعى الثوم و الزبادى و اللبنة فى الخلاط لمدة 2 دقيقة او فى المضرب اليدوى
نضع الخيار فى الخليط و يقلب حيدا و بالهنا والشفا
(السلطة دى جميلة مع المشاوى)


سلطة الفاصوليا البيضاء

ربع كيلو فاصوليا بيضاء
1 بصله متوسطه
1 جزره متوسطه
1 فلفله حلوه
1 طماطم متوسطه
ملح - خل - ليمون - زيت ذره
الطريقة
ننقع الفاصوليا في الماء لمدة يوم ثم نغير الماء ونسلقها
نقطع البصله والفلفله والطماطم قطع صغيره ونبشر الجزره ونضيفهم للفاصوليا بعد أن تبرد
نتبل بمكونات تتبيل السلطه
نضع مكونات التتبيل ( ا لليمون والخل والزيت والملح ) في زجاجه أو برطمان مغلق ونهزه بشده حتي تمتزج مكوناتها وتتخن .. ويستعمل لتتبيل معظم السلطات

سلطة البنجر

1 كيلو بنجر
مكونات التتبيل ( ملح - ليمون - خل - زيت ذره )
الطريقه
نسلق وحدات البنجرفي ماء
وبعد أن تبرد نقشرها ونقطعها مكعبات صغيره
نتبلها بمكونات التتبيل ( الملح والخل والليمون والزيت )
ممكن وضع ثوم مفروم أو بودره علي السلطات .. حسب الرغبه

سلطة الشبت
حزمة شبت
1 طماطم كبيره
2 فلفل حراق
2 ملعقه كبيره طحينه
2 ملعقة زيت
ملح
الطريقه
بإستعمال الكبه .. نفري الفلفل والملح .. ثم نفري الشبت .. ثم الطماطم
نضع المكونات في طبق ونقلب معها الطحينه ونضع الزيت علي الوجه
ممكن مزج مكونات السلطه ناعمه أو خشنه .. وكل طريقه لها جمالها

سلطة الفاصوليا الخضراء بالسكر
نصف كيلو فاصوليا خضراء
1 كوب سكر + 1 كوب ماء
2 ملعقه كبيره مايونيز + 2 ملعقه كبيره كاتشاب
بصله متوسطه
الطريقه نضع السكر والماء علي النار وبعد أن يغلي نضع عليه ملعقه صغيره عصير ليمون ونتركه يغلي قليلا
نقطع الفاصوليا ونسلقها .. ثمنصفيها منالماء ونتركها تبرد
نقطع البصله جوانح أو دوائر رفيعه
نضع الفاصوليا والبصل طبقات في سلطانيه
نغمرها بشربات السكر
نمزج المايونيز والكاتشاب جيدا
وقت التقديم .. ننشل كميه فاصوليا ونقلب عليها من خليط المايونيز والكاتشاب

سلطة البسله والجزر
1 كوب بسله
1 كوب جزر
2 ملعقة مايونيز
الطريقه
نقطع الجزر مكعبات صغيره أكبر قليلا من البسله
نسلق الجزر والبسله في ماء مملح .. ثم نصفيهم من الماء ونتركهم ليبردوا
نقلبهم مع المايونيز


سلطة الجمبرى
كيلو جمبرى صغير مسلوق
3 معالق مايونيز – ورقتين خس
الطريقة
بعد ما نسلق الجمبرى ويبرد نقشرة نشيل خط الرمل اللى بيكون فى الضهر
نضع المايونيز على الجمبرى ونخلطهم بالمعلقة
نفرش فى طبق ورق الخس ونضع علية سلطة الجمبرى
ونضع على جانب الطبق واحدة جمبرى بقشرها لتزيين الطبق
وبالهنا والشفا

سلطة حمص بالمايونيز
( اسمها فى المطاعم مسبحة وعند يا مال الشام)
1 زبادى – 2 معلقة كبيرة مايونيز – علبة حمص معلبة جاهزة – معلقة كبيرة خل
ملح – ثوم – عصير ليمون – زيت زيتون
( زيتون مفصص – كمون – سماق- قطع مخلل صغيرة خيار )
الطريقةصفى علبة الحمص من الماء بتاعتها واغسلية
ضعى المقادير اللى خارج القوس فى الكبة واخلطيهم كويس
واذا كانت ناشفة زودى شوية زبادى .والعكس اذا كانت خفيفة زودى حمص مطحون
ضعيها فى طبق التقديم وزوقيها برشة سماق ورشة كمون والزيتون والخيارالمخلل
وبالهنا والشفا

سلطة الزبادى
زبادى _ 2فص ثوم ناعم جدا _نقطتين خل نقطتين عصير ليمون
***قلبى الزبادى بالملعقة كويس حتلا قية بقى ناعم ضعى علية الثوم والخل و الليمون و زرة فلفل اسود ناعم تقلبى كلة بالملعقة و تصبية فى الطبق . ممكن تزوقية بحلقات خيار او تحطية فيها شرائح رفيعة خيار و ممكن رشة نعناع


سلطه بابا غنوج:==========
المقادير:
=======
ربع كليو باذنجان أسود كبير
نصف كوب طحينه و مقدونس مفرى
ثلاثه ملاعق زيت
أربعه ملاعق كبيره من الخل
ثلاثه فصوص ثوم و ملح وكمون و شطه حسب الرغبه
الطريقة:
=======
يشوى البذنجان و يدق ناعما
يدق الثوم مع الملح و الكمون و يضاف إلى الطحينه و يقلب
يضاف الباذنجان و قليل من الشطه و يقلب جيدا و يزين بالمقدونس


سلطة الخرشوف
4 عدد خرشوف مسلوق وبارد
نصف كوب طحينه
1 ملعقه كبيره زبادي
ملح - فص ثوم أو رشة ثوم بودره
1 ملعقة كبيره عصير ليمون + 1 ملعقة كبيره خل
قليل من الشطه ( حسب الرغبه )
ملعقه كبيره زيت زيتون أو ذره
نهرس في الخلاط الخرشوف مع الطحينه والملح والخل والليمون والثوم
ونضبط قوام السلطه بقليل من الماء لو إحتجنا
نضع السلطه في طبق التقديم ونضع الشطه والزيت علي الوجه


سلطة خضراء بالحمص
المقادير:
حمص مسلوق
خيار - طماطم – خس – ملح – عصير ليمون
ربع كيس مكرونة صغيرة (ميرمرية أو قوقعة )
الطريقة:
- نسلق المكرونه بماء وملح ونشطفها بالماء البارد و نصفيها .
- ونقطع الخس والخيار الطماط قطع متوسطة الحجم
- ثم نخلط كله مع بعض ونضعالحمص والليمون والملح و المكرونة و بالهنا و الشفا

سلطة حمص
حمص مسلوق
طحينة حوالى 3 معالق كبيرة
ملح - فلفل - كمون - عصير ليمون - 3 فصوص ثوم - معلقة كبيرة خل - زيت زيتون
الطربقة
نعمل الطحينة كطريقة سلطة الطحينة اننا نفكها بالماء لحد ما تنعم و تسيل و بعدين نضيف لها كل المكونات اللى عندنا
نهرس الحمص كويس بالشوكة او نضربة فى الكبة بس يكون خشن شوية
نضع الحمص على سلطة الطحينة ونقلبهم كويس لحد ما يندمجوا مع بعض
ثم نضعهم فى طبق التقديم و على الوش نقطتين زيت زيتون و بالهنا و الشفا


حمص بالمايونيز
حمص مسلوق ( حوالى كوب كبير )
معلقة كبيرة طحينة
2 معلقة كبيرة مايونيز
عصير نص ليمونة
2 فص ثوم
ملح – فلفل – عصير نص ليمونة - زيت زيتون – قليل من الكسبرة الخضراء المفرومة
الطريقة :
توضع كل المقادير المكتوبة فى الخلاط يادوب حتتخلط ببعض
نضعها فى طبق التقديم و نضع على الوش بعض نقط من زيت الزيتون و بعض حبات من الحمص

:27:

:)

أهليننننن أختي
rooooosi

شوفي قسم المقبلات والسلطااات مليااان
ما شاء الله
وأنا بحاول أساعدك قد ماأقدر

شوفي يا ستي السلطة هذي لذيذذذذة وكمااان سهلللة

سلطة الـ 4 seasons *

ادخلوا وشوفوا شكل السلطة أممممممم

سلطة بالمكرونة بس شئئئئئئ .


وممكن فتوش
ولا أسهل


وهذا الرابط فيه مجموعة من السلطااات

سلطات عجيبه و مميزه من زهره النوير ..و مصوره

أتمنى تلاقين طلببككك
والله يوفقك في عزومتك مقدماً ...

:27: