مسااااااااااعده عااااااجل

السلام عليكم يالغاليات 
ياريت تساعدوني ولكن الاجر والدعا

انا لك الحمد والشكر انقبلت ف البعثه الدفعه الثامنه بس حاسه انها راح تروح مني بسبب انو ما اعرف وين اروح وايش اتصرف
كل الي جاني مسج ع الجوال وايميل يقولون يوم السبت القادم التوجه لفندق راديسون بلو في الرياض
انا حاليا ف الرياض الحمد لله بس دخلت مبتعث ابي اشوف اش المطلوب والاوراق الي اخذ معاي وفيه شي فهمته وشي لا 

مثل

( ماستماره طلب الابتعاث موقعه من قبل المتقدم) هذه من وين اجيبها

والشي الثاني

( نموذج الالتحاق بالجامعه الاجنبيه باللغه الانجليزيه موقعه من قبل المتقدم)
هذه مره مافهمتها مثل الاطرش بالزفه ههع
معليش بس انا راح اطلع مبدئيا من الصفر باللغه

تكفون فهموني شوي اش اسوي وكيف اترجم اوراقي واش اترجم بالضبط وفين اترجمها اصلا

معليش ثقلت عليكم بس تكفون ساعدوني مابي اضيع هالفرصه والي طلع اسمها مثلي تراسلني ونتعاون

ولكم جزييييل الشكر ياليت الرد بسرعه