مساااااعده،،،يأهل قطر...

ابشرري بس اي نوع تبغي من الاسواق ..وباقول لك..المطاعم اللي موجوده بالسد هي احلى للعوائل..فينيسيا..الخيمه..المجلس العربي..الاوتامتيك..مادري..عن السكن بس ..يمكن ينفعونك الاخوات الي ادرى مني..

هلا والله وحياك الله في قطر بالنسبه للسكن اذا تبين سكن شقق ومناسب للعائلات 4نجوم ومافيه خرابيط عليك بجنه الخليج اما اذا تبين شي 5نجوم واسعاره فوق وراقي روحي فريج شرق-الريتز-الشيرتون-ريجنسي اما بالنسبه للسوق فهي محدوده عندك سوق الديره هذا خاص للاقمشه وفيه كم محل عبايات وكم محل احذيه وكم محل عطور وقريب منه سوق الجبر بعد اسعاره حلوه هذا عاد مشكل ووراء سوق الديره محل اسمه الرونق فيه كل شي يخص الخياطه وشغلات ثانيه مري عليه وعندك سوق العسيري بعد اقمشه لكن ارخص من الديره وعندك سوق فالح هذا عاد تخصص عبايات واسعاره حلوه ارخص من العبايات اللي في المجمعات وعندهم تفصيل عبايات على فكره هذي المحلات كلها في مكان واحد منطقه السوق ونسيت اهم سوق سوق هذا فيه شغلات حلوه فيه الاشياء اللي تخص التضييف ولوازمه مثل القهوه والشاي واوانيهاوالبهارات والحلويات والمواعيين وفيه اقمشه وعطور وفيه قهوهفيها جلسه حلوه المهم يستحق الزياره لانه صار معلم من معالم قطر اذا امك معاك بيصلح لهااما بالنسبه للمجمعات عندك مجمع الستي سنتر فيه ماركات عاديه بس كبير وعنك الرويال بلازا فيه ماركات مثل جيفنشي وفيه اشياء ثانيه وعنك اللاند مارك -المول --الحياه بلازاواخيرا عنك فيلاجيوا هذا جديد وحلو تصميمه وفيه مطاعم وحلاته كثيره واذا مافيه فرصه تروحين كل المجمعات روحي لفلاجيواافضل واذا تبين الماركات عندك السلام والصالون الازرق وامبيريوم

الكلام كثير اكمل لك المهم بالنسبه للمطاعم ماقصرت الحلوه اللي قبلي بس فيه مطاعم احلى عندك مطعم الساحه هذا عاد قصه بيوت وجابوها من لبنان واعادوا بنائها هنا انا مارحت بس يمدحونها وعندك مطعم ليال لبناني في شارع سلوى اكله......لذيذ خصوصا التبوله لاني احبهاوفي نفس الشارع عندك محل شوكلاته فوشون هذا مشهور وحلو وفيه قهوه صغيره وعندك بعد في شارع سلوى مطعم ناندوز حلو واسعاره بعد حلوه وهذا كل اللي عندي اتمنى ان افدتك واتمنى ان تنبسطي في قطر ودعواتك ارجع لديرتي بالسلامه.

ريماااااااااااس

شكرا لك غاليتي على المعلومات والاسواق هي تبي مجمعات حلوة وراقيه ويكون فيها العاب للاطفال ومطاعم،،


اشراق قطر

المعلومات هذي تبيها صديقتي وانا اتمنى اني ازور قطر,,,,
ماشاء الله عليك ماقصرتي وفيتي وكفيتي الله يعافيك ويجزاك خير
نقلت لها كل اللي قلتي وهي تتشكرك كثير وتدعي لك....