بسم الله الرحمن الرحيم
مســابقات وألعاب للعيـــد ‘‘السعيد’’
السلام عليكم ورحمة الله وبركاته.. جمعت لكم ألعاب ومسابقات عديدة لتُحْيُوا بها عيدكم
قبل ما أقولها..بقول سبب كتابتي لهذا الموضوع؛
قبل كم عيد..كنت أجهز برنامج ترفيهي لاجتماعنا مع أقاربي،
فسويت بحث بقوقل بعبارات متعددة لعلي أجد نتيجة!
"برنامج مسابقات ألعاب أفكار ... للعيد"
وللأسف!!
تدرون وش طلع؟!
ماطلع لي نتائج!
كل اللي طلع إش يقولون (والله إحنا يوم العيد عندنا طفشش، عندكم أفكار؟)
و ثانية بمنتدى آخر تقول: (أصْلِي صرت ماروح للجَمعة يوم العيد، أنواع الزهق)!
وأخرى تقول: (نروح ونِرْتَزْ ونرجع) !!
أما ألعاب... مسابقات,, إبداع،، إظهار للفرحة... ماااااااااالقيت !!
ما أخفيكم...
صراحة حزنت جدا
قولوا ليه ؟!
لأن هذا عيدنا، نحن المسلمون..من شعائر ديننا، لازم نهتم فيه
لذلك .. قررت أجمع ألعاب ومسابقات وأنزلها بهذا الموضوع إن شاء الله
وفيه أشياء ودي أنبِّه عليها قبل:
1. أنا ما كتبت هذا الموضوع؛ إلا أبتغي الأجر عند الله
2. لذلكـــ ..هذا الموضوع حلال لكل وحدة تبغى تنشره بأي منتدى ثاني تدخله، ولا تنس تحتسب الأجر، العكس,,أتمنى كل وحده تنشره قد ماتقدر.
3. موضوعي بيكون بداية,, وأنتم تكملون..كل وحدة تدخل تكتب فكرتها، أو أي إضافة تفيد.
4. أهم شي ..... كثير بنات بيقولون: (لاااا إحنا جَمعتنا ما يحبون هذي الحركات، وما راح يعطوني وجه!)
أنا أقول لك جربي وراح تتغير فكرتك، الصراحة أنا كنت كذا جمعتنا هادين جدا ومن عمري ما عمرنا سوينا أي حركات مع الحريم، لكن مرة خلاص وصلت معاي وقلت لازم أجرب، وكنت خاااااابفة من طيحة الوجه عشان كذا ما طزلت البرنامج "عبارة عن ألعاب وألغاز بجو عفوي وبدون ترتيب وهذا أهم شي يخليهم يتقبلونك، لاتضايقينهم بأنطمتك العسكرية، خلي البرنامج بساطة" الحمد لله كانت النتيجة رووووووعة، ما تصدقين قد إيش انبسطوا لدرجة يدعون لي كلهم (الله يوسع صدرك، الله يفرحك زي ما فرحتينا) وكانت فرحتي فرحتين، إنهم فرحوا وإني نجحت بفكرتي!
على بركة الله....
1) جهزي حلويات تاخذونها معاكم لمسجد العيد، توزعونها عالصغار والكبار.
إذا ما قدرتي تطلعين اصرفي ريالات ووزعيها عالأطفال، واحتسبي عملك هذا.
2) حاولي تسوين عيديات للكبار "وابتعدي عن المباهاة -يعني حنا سوينا عيديات عشان نفرح مو عشان نشوف مين أحسن؟ وهذا مرض ينتشر بين الحريم، كل شي ينقلب مباهاة "
ملاحظة:-أي حاجة بتشرينها خلصيها بشعبان؛ لأن رمضان ثوانيه غالية، وأنا أستغرب من اللي يفرطون برمضان بأسواق وسوبرماركيت-
C من يسقط الأكواب: نحضر طاولة، نضع عليها أكواب البلاستيك البيضاء، لكل فريق 10 أكواب، ثم نعطي كل متسابق بالونة؛ من خلالها يحاول إسقاط الأكواب من الطاولة عن طريق نفخ البالونة ثم فشّها باتجاه الكأس!
C نظم الخرز: أبرة وخيط ومجموعة خرز من ينظم الخرز في الخيط ويكون أطول من الأخرى تكونالفائزة.
C من يطفئ الشمعة: نحضر شمعتين مشتعلتين ونعطي المتسابقين مسدسين مائيين، وعليهما القيام بإطفاء الشموع، من يطفئ شمعته أول يكون هو الفائز.
C لعبة الأكواب:يخرج ستةأشخاص ويوضع أمامهم خمسة أكواب -بينهم وبينها مسافة ستة أمتار تقريباً -إذاسمعوا الصوت إشارة للانطلاق ينطلقون وكل متسابق يأخذ كوباً واحداً ويبقى احدالمتسابقين ليس له نصيب فيخرج، والأخير هو الفائز.
C فرز الخرز: يقومالقائد بخلط الخرز (مجموعة من الألوان) ويطلب منهما فرز اللون الأحمر فقط ومن يستطعإيجاد اللون أكثر من زميله يكن الفائز أو يعطى كل متسابق مجموعة لزميله من الخرزوبعد الصافرة يبدأ المشاركون بعملية فرز الخرز كل لون على حده ومن يسبق يكن الفائز.
C أين حذاؤك:يشترطفي هذه اللعبة وجود أحذية المشاركين يخلع الجميع أحذيتهم لتكون هرما ثم يبتعدونعنها مسافة وبعد صافرة القائد ينطلق المشاركون ليبحث عن حذائه الضائع ثم يلبسهبرجله فقط دونأن تلمس يده الحذاء ويرجع لمكان البداية ويرفع يديه ليعبر عنفوزه، والفريق الذي يكتمل عدد أعضاؤه أولا يكون هو الفائز "عاد ياسلام جزمات عيد أكيد كلها جديدة وملونه ههههههههه"
C أين غطاء القلم: يعطي القائد أقلاما للمشاركين بحيث يضعالقلم في يد والغطاء في يد ويحاول أن يغلق من خلف الرأس مع عكس اتجاهاليدين ومن يغلق القلم أولا يكن الفائز.
C وين ماما؟ كل مجموعة تطلع منها بنت على أن تكون أمها بالمجموعة الثانية، ثم تغمم أعينهم وكل وحدة تنطلق لتصل إلى أمها وتقبل رأسها (المضحك أنها تبدأ بتحسس الحاضرين كي تتعرف على أمها أو أختها).
تقريبا هذا اللي ببالي الآن,,
لي عودة إن شاء الله لكن بعد ما أشوف إبداعاتكم...
~ لافندر ~ @lafndr_11
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
اللهم بلغنا رمضان واعنا على صيامه وقيامه واجعلنا من الفائزين فية واتمم علينا فرحتنا بعيدك والامه الاسلاميه بامن وامان