السلام عليكم ورحمة الله وبركاته..
حبيت اشارك هذي المشاركه البسيطه..
واشكر منتداي الرائع منتدى عالم حواء..الذي تعلمت منه الكثير والكثير..
واشكر القائمين عليه من مشرفات وعضوات..فهوعشقي الاول والاخير في عالم النت..
كامل متكامل والكمال لله عز وجل..
منتدى رائع رائع رائع بكل ماتحمله الكلمه من معنى..
عذرا ان اطلت المقدمه..>>>>لاتستغربون راح احول على العاميه..بدل الفصحى..
كانت هذي العزيمه يوم الخميس الموافق 23/7/1430هـ
طبعا اعذروني لأني ماصورت ضيافتي بالقهوه والشاهي..
كانوا12حرمه من شروط هاللمه الحلوه انها كانت بالدوركل مره عند وحده ..
وجنة الاطفال منازلهم..
كل حرمه تجيب طفل واحد معاها ..
طبعا انا استعديت من الليل مجلس الضيوف الوانه فيروزي وبني وذهبي فاخترت اللون الفيروزي
علشان يكون مميز..
في الليل استأجرت اربع طاولات من محل سعر الطاوله15ريال..
لبست فناجيل الشاهي والقهوه وكاسات العصير والمعاشر وبراريد الشاهي وتلاجة القهوه
قماش تل فيروزي واضفت بعض الورود والكرستالات والشرايط..
وحطيتها على طاوله من الطاولات اللي استاجرتها في ركن من الصاله..
وهذي طاولة الاستقبال..زينتها بالمظلات السماوي والكرستالات السماوي..
وجزء منها حطيت عليها مناشف الكيك ولبان واعواد اسنان..لبعد العشاء لأنها تعتبر في الممر..
هنا صورة الدرج لبسته تل من بداية الدرج لنهايته..وكان عندي قطعه فيروزي وقصصت الورود اللي فيها وعلقتها..
والكلف اللي زادت من الستاره..
وحطيت كرستالات واصداف وبالونات..
وهنا طاولتين جنب المدخل الطاوله الأولى حطيت عليها صندوق وحطيت فيه مجموعة عطور وخمريات وكريمات وفرشة شعر..واعواد اذان وقطن وكحل وروج وبلاشر للي يحبون يعدلون مكياجهم ..ودفترلتسجيل ذكرياتهم..
والورقه اللي معلقه..
مكتوب فيها لاتنسون تسجلون عباراتكم الجميله..
هذي الطاوله كان عليها نافورة الشكولاته وواضح تجهيزاتها..
بس نسيت اصور النافوره لأن تصويري كان بالليل..
وكان عليها شجره بفروع..ومعلقه بفروعها12كيس اورجنزا وكاتبه ورقه احصلي على رقمك المميز من الشجره..
طبعا كان في الاكياس كل وحده رقم الا وحده نجمه واعطيتها هديه مميزه وسويت اسئله حسب الأرقام والجوائز كانت عاديه من باب الضحك والوناسه..
مثلا وحده فرشة اسنان اطفال وحده برتقال وحده ليمون وحده كت كات وحده بطاطس عيدان وحده موس حلاقه وحده بامبرز ووحده اولويز..الا اللي طلعت لها نجمه طبعا هديتها كانت عطرمميز..
وخليتها تحكم على وحده من الجالسين باي حكم..
نجي للتقديم طبعا البدايه كانت عصير ليمون بالنعناع..
بعدين القهوه ومعاها حلا منوع..
وبعدين العشاء..
وهذي ضيافتي للعشاء..
طبعا كل شي كن شغل البيت..مافي شي من برا..
حطيت بالغرفه3طاولات..
بداية الطاوله حطيت المويه والعصيرات والصحون والملاعق..
نسيت اصورها بس واضحه بمقطع الفيديو..
هذا ورق العنب..
وهذي صينية التوست بالدجاج..
وهذي السلطات تبوله وفتوش وسلطة عيدان البطاطس.. وسلطة فتة الباذنجان..وشيبسات مع صوص الزبادي..
وهذا الكباب وشيش طاوق وكبه وبطاطس..ومسقعه وصينية بطاطس..
نكمل الصور..
وهنا المنتو الكذاب ومكرونة البيتزاوالرز الصيني وكفتة داودباشا
هنا الرز الصيني والكشري ومكرونه بالتونه والجبن..وكرونه بالباشميل..
واخيرا الحلى..
نافورة الشكولاته..
وحلى الشاطئ وتراميسو وتشيز كيك..
هنا مقطع الفيديو
http://www.shawati.cc/download.php?id=52030
انتظرآرائكم ياحلوين..