بسم الله الرحمن الرحيم
السلام عليكم ورحمة الله وبركاته
اولا احب اعرفكم على سرنجاحي هو ارتكاز تجربتي في الاهتمام بمنزلي واولادي وزوجي على هذا الحديث الشريف ..بورك لامتي في بكورها..والله يابنات اذا نمت بعد الفجر اني اقضي يومي كله كسل ونوم وعدم رضا عن نفسي..
بدايتي كل يوم من السبت الى الاربعاء(ايام الدوام) منبه الساعة على الساعة 5 فجرا الصلاة ثم اذكار الصباح ثم اصحي اولادي يصلو ويلبسو ويرتب كل واحد سريرة ويشيل ملابسه النظيفه على الشماعة والوسخة على سلة الغسيل.. وانزل المطبخ اسوي لهم الفطور واجهزهم للمدرسه بيطلعو على الساعة 6 وربع تقريبا ثم اتوجه لغرفة الرياضة امشي الى الساعه 7 و30 دقيقه ثم اجهز الفطور لي و لزوجي ونفطر سواء وبعدها كلن الى عمله انا طبعا اتوجه على غرف النوم مباشره طبعا التنظيف الخارجي مثل سيرميك
ودورات المياه الله يكرمكم
وامر على كل البيت بالمكنسه العاديه تعرفو الغبار وعمايله..! طبعا مايجي 10 الا وانا مخلصة اتوجه للمطبخ واجهز اغراض الغداء واغسل اواني الفطورطبعا مانسى يديني اهتم فيها زي باقي جسمي عشان كذا لازم من هذي اثناء غسيل الاواني
وطبعا شي مهم بعد غسيل الاواني نفس الدرج تبع الفيري يوجد اكبر علبة فازلين:o بعد كل غسيل لازم ادهن يديني عشان احافض على رطوبة اليدين ونعومتها ما تتخيلو كيف تبقى اليد نظرة وناعمة..
ثم اصلي الضحى على الساعه 11 وبعدها اريح واتابع برنامجي الصباحي المفضل اذا جاء الظهر اصلي ثم انزل المطبخ اسوي الغداء على الساعه 1 يكون جاهز طبعا انا واولادي فقط زوجي يجي على المغرب مافي غداء معانا كل يوم..:44:
نتغداء ونريح والي يبغى ياخذ له قيلولة والعصر يبداء النشاط من جديد اصحي الي نايم واسوي شاي للكبار وحليب للصغار ونصحصح للواجبات الى المغرب ثم اخذ لي جولة تنظيف سريعه وهذي افضل اداه للسرعه تكنس وتمسح في نفس الوقت على طول الصالة ومدخل البيت فلحظه بس بلليها بماء وتصير جاهزة..
وما يوصل زوجي على الساعة 6 الا والقهوة والتمر جاهزة وكمان اجهز عشاء خفيف لبعد صلاة العشاء مباشره واعشيهم وبعدها نوم على طول..هذا الى يوم الاربعاء
والخميس انام فيه الى الساعة 10 صباحا اذا كان شتاء نفطر ونجهز اغراض الرحلة ونتغدى برا واذا كان صيف تغدينا وشربنا قهوة العصر واتجهنا على اي ملاهي او مكان عام نتنزه فيه..
ويوم الجمعه طبعا مافي طلعة الا اذا خفيفه في العصريه وطبعا يكون يوم غسيل الملابس العالمي :42:
اضافة الى كل يوم ثلثاء غسيل الثلاجة
ويوم الاربعاء من كل اسبوع غسيل الحوش طبعا بمساعدة اولادي الله يحفظهم..
هذا نظامي اليومي وان شاء الله ما اكون نسيت شي ما ذكرته والعذر منكم على الاطاله..
سلام
الله يقويك ويعطيك العافية