كيفكم بنات ان شاء الله طيبين اليوم جبتلكم سلطة الراهب بس بطريقتي بما اني ماحب طعم الشواء سويتها بطريقة السلق طلعت خفيفه لطيفه والاهم لذيذه اعجبت عيالي وزوجي وان شاء الله تعجبكم نجي للمقادير
باذنجان اربع او خمس
حبتين فلفل رومي
طماطم اربع وخمس صغار
نص بصله متوسطه واللي مايحب البصل ممكن يستغني عنه
ملح
زيت زيتون
ملعقه كبيره خل
الطريقه
تسلقين الباذنجان بعد تقشيره بحباته واذا كبيره تقسمينها نصين
تفرمين الفلفل والطماطم والبصل كل واحد لوحده بالسكين
بعد استواء الباذنجان تقطعينه بالسكين صغار لاتفرمينه بالفرامه يصير شربه لابالسكين تخلطينهن مع بعض وتضيفين عليهم الخل والملح وزيت الزيتون وبالعافيه جربوها
اتركم مع الصور واي سوال انا حاضره
