بنات اختي تبارك الله يساعدون امهم بأخوانهم الصغار
و واحده منهم تحب الطبخ والمطبخ
واشوفه شي طبيعي مساعدة الام
بدل الدلع و٢٤ ساعه على الجوال
ومع ذالك معاهم وقتهم الخاص وبالطبع اغلب المسئوليه على الام

انا ماعندي بنات لسى
بس اشوف مساعدة البنت لامها شي طبيعي ومن البر
وفيها تعليم البنت
وتكون طبعاً في حدود المعقول
لا إفراط ولا تفريط

وعليكم السلام ورحمة الله وبركاته
تساعد البنت بحدود .. أهم شيء أن لا اقوي اخوانها عليها .. الكل يساعد .. الكل ينظف .. البيت مسؤولية الجميع ليس مسؤولية الأم أو البنت فقط .. لا بد من تعزيز هذا الأمر في نفوس البنات والاولاد على سواء .. أولادي في الجامعات ويساعدوني في كل ما احتاج إليه ولله الحمد ..
كلنا يد واحدة بفضل الله .. من لما كانوا اطفال وانا اعزز هذا الجانب فيهم .. لا عيب في أن يساعد الرجل زوجته .. إن يساعد الولد اخته .. وأمه. . بل على العكس دائما اقول لهم خيركم خيركم لأهله. .
رؤيتهم لوالدهم بالمساعدة في بعض الأحيان يعزز لديهم القدوة الحسنة ولله الحمد والمنة ..
لا أحب أن أرى البنات في شغل البيت في كل وقتهن .. ولا أحب أن أرى البنات لا يساعدن في البيت .. خير الأمور الوسط .. عندي بنت وحيدة .. اعلمها كل شيء ولكن تشتغل بمساعدتي. . ومساعدة اخوانها. . لا اترك لها كل الأعمال .. لديها دراستها ووقتها الخاص الذي تستمتع به .. لا إجبار بل عن طيب خاطر .. ودائما نذكرهم (واخفض لهما جناح الذل) ..

اناا ضد الام تكرف البنت صراحه
بس انا وخواتي نحاول نشيل كل الحمل عن امي
رحمة وبر فيهاا رغم اننا والله اطفش واتعببببب مره
ودايم افكر اذا تزوجت احس مافيني طاقه كررف..
امي ماتجبرنا ابدا وتقول لاتسون شي اذا تحلطمنا
بس قلبي مايطاوعني اخليها تكرف حرام 💔
باذن الله لاتزوجت عااد اجيب شغااله ادلع نفسي وعيالي من غير شر

ام زوجي كذا راميه حمول البيت على بنتها الكبيره
هي الي تنضف هي الي تطبخ هي الي تنتبه لخوانها ودرسهم وتقومهم لصلوات وتفطرهم
يعني كل شي عليها لدرجة ان عمي مايستغني عن هالبنت لو تروح زياره لخوانها يضيق
احس غلط ان الام ترمي كل احمالها لبنتها هذا تفكير الحريم الاولات البنت من الصغر تكرفين بها
لكن الجيل الجديد احسه عكس ماينفع بشي ابد