مساعدة عاجلة جدا يا بنات مكة و جدة الله يوفقكم

السلام عليكم ورحمة الله وبركاته

باختصار صديقتي متخرجة معاي و أمنية حياتها تكمل دراسات عليا لكن لمن قدمت في المدينة رفضوها لأن عمرها أكبر من 30 سنة مع انها متخرجة معانا لكن ما دخلت الكلية بدري ..

والله يا بنات انها قمة في التفاني والإخلاص في عملها والكل يشهد لها حتى الدكتورات نفسهم لمن يصعب عليهم شيء في الحفلات و الترتيبات والحوارات اللي كانت تصير في الكلية كانوا يطلبوها تساعدهم ..
وربي قطعت قلبي لمن عرفت انه في كليتنا ما يقبلوا أكثر من 30 سنة ونسبتها 87 وهم طالبين ما لا يقل عن 88...........
لذلك يابنات جدة ومكة ولا عليكم أمر اللي تقدر تعطيني معلومات عن الماجستير تخصص اللغة الإنجليزية عندكم تبلغيني قبل لا ينتهي التسجيل والله لأدعي لها في سجودي وما تعرف قديش بتفرح صاحبتي مسكينة مرت عليها ظروف صعبة ما يتحملها أي انسان ورغم ذلك صابرة لكن مهما كان هذا حلم حياتها وصعب جدا على الإنسان يشوف كل حياته تنهار قدام عينه يوم ورا يوم ..

الله يوفقكم ولا يحرمكم الأجر ولا يوريكم مكروه في عزيز يارب ... آمين