مساعدة عاجلة في برنامج الاسبوع الثقافي

أخواتي العزيزات صار لازم أطلع عندي موعد دكتور لصغيرتي مريومة
بس خطرتلي فكرة ثانية باخذ رأيكم فيها

شو رأيكم لو نقسم الطلاب إلى مجموعات نشاط
مثلا مجموعة المكتبة والبحث
مجموعة الرسم و التصميم
مجموعة الزراعة
مجموعة الأعمال اليدوية
وذكروني إذا عندكم أقسام ثانية
بحيث تقوم كل مجموعة بعمل مشروع معين يخلص بمدة الثلاثة أيام ( مدة الأسبوع الثقافي )
مثلا مجموعة التصميم تاخذ مشروع الدفاع عن الرسول لو فرضنا وتعمل لوحة ضخمة بهذا المعنى
مثلا قسم الأشغال اليدوية يعمل نخلتين من السراميك ( هذي باخذها أنا إذا وافق المدير :) )

راجعتلكم بس أخلص من الدكتور أرجوكم الساعدة أو بس التعليق على أفكاري عشان أعرف أنظمها

ومشكورين

الله شو هالتعاون والمشاركات كلها :)
حيرتوني شو باخذ وشو بخلي من الأفكار أو حتى التعليقات

مو مشكلة أنا اللي سألت وأنا رح أجاوب نفسي :)

اللي قررت أقدمه هو التالي

زي ما حطيت في الرد السابق

رح أطلب تقسيم الطلاب إلى فرق نشاط وكل فرقة مسؤولة عن تقديم مشروع بعد انتهاء الثلاثة أيام ورح أقترح أنو تقتصر نشاطات الصف الأول والثاني والثالث على مسرحية صغيرة (مثل مسرحية الأسد والفأر إذا بتعرفوها ) ومجموعة أناشيد باللغات الثلاثة بحيث ينضم متفوقين اللغة الانجليزية إلى فرقة أناشيد اللغة الأنجليزية وكذلك العربية والألمانية وخففي الحركة النشيطين إلى فرقة المسرح
الأكبر سن رح أخذ البنات إلى شغل التطريز بحيث يكون مشروعهم تطريز أيات أو دعاء أو حكمة بغرز بسيطة مثلا ( فكرت بالخيش أو الكنفا مع غرزة الأيتامين )
ورح أخذ الأولاد اللي بيحبو الأنشطة اليدوية لشغل السيراميك ورح أعمل معاهم النخلة

شو رأيكم ( مو طالبة غير رأيكم بس )
أنا طالعة بعد حوالي 3 ساعات للدوام أتمنى أشوف ولو تعليق واحد عشان أفهم هل ممكن تلاقي هالفكرة قبول عند الادارة أو لا
ومشكورين
وكمان ممكن الصغار يعملوا بعض الأشغال اليدوية السهلة تحت اشراف مدرستهم