مساعدة في الصالة والمسبح لو سمحتوا

السلام عليكم
اخواتي العزيزات
انا عضوة جديدة لديكم هنا واتمنى اني استفيد من خبراتكم
انا توني ناقلة بيت جديد وحبيت مساعدتكم في تاثيث الصالة.
صالتي الرئيسية دائرية وفيها نافذة دائرية كبيرة تمتد الى الدور الثاني... ومطلة على مسبح داخلي.
جدران الصالة كموني.. ومحتارة في تاثيثها..
بخاطري اني اثثها بدرجات الازرق علشان تعطي انطباع كاننا في شاليه وخصوصا انها مطلة على المسبح والحديقة..لكن مالقيت صور تساعدني في توصيل فكرتي لمحلات الاثاث..
شفت بالنت قبل فترة صور لفرساتشي وحابة اسوي شي زي كذا.

احد عنده اقتراح ثاني لاثاث الصالة والوانها لو سمحتوا؟؟
ابغى الوان تعطي انطباع بالهدوء والفرفشة:)

سؤالي الثاني

..الصالة الرئيسية بمنزلي تطل على مسبح داخلي..والمسبح يطل على الحديقة..انا ودي احط ستارة شيفون على زجاج الصالة الداخلية علشان لا تسد منظر المسبح والحديقة..وبنفس الوقت ماني عارفة وش اسوي بزجاج المسبح المطل على الحوش.......

فكرت احط ستارة عليها سكوتش قارد علشان تحميها من الرطوبة لكن مصممين الستائر قالوا ماتنفع لان المسافة بين الستارة والمسبح تبي تكون جدا قريبة وممكن تتبلل الستائر

اتمنى انكم تقدرون تساعدوني في هالمسالة وجزاكم الله خير


آخر تعديل للمشاركة بتاريخ 22-05-2004 في 11:38

أخبر