مساعدة من اهل الامارات او من سافر للامارات

مرحبا بك مليون في دار زايد
ليش فندق بيوتنا مفتوحه لك ....... وعلى الرأس والعين
وأنا من بوظبي وأذا فيه شئ تبين تعرفينه عنها لا يردك الا لسانك

اختي الفنادق اسعارها متفاوته على ما أظن بس انتي أدخلي مواقع الفنادق بدولة المارات واخذي أرقامهم واستفسري

بالنسبه لأفضل الاسواق الشعبيه سوق نايف في دبي فيه قطع لتنانير تجنن وقطع لمخاوير ولا احلى وكل شي تبينه والأسعار فيه من رخيصه الى متوسطه

أما أفخم الدراريع عندج اليشمك
أما بالنسبه للشيل والعبايات عندج في أبراج الامارات في دبي محل اسمه ماي فير ليدي
وفي مركز الملابلازا في دبي محل سويت ليدي
وفي مركز ابوهيل في دبي طابق كامل كله محلات للعبايات والشيل

أما أفضل أنواع البخور طبعا محلات اجمل وعبدالصمد القرشي والعربيه للعود
بالنسبه للاواني المنزليه في سوق اسمه سوق الجمله في دبي يبيع أواني منزليه أشياء مختلفه


ان شاء الله اكون أفدتج وهذا لي أقدر عليه

هلا أختي

أنصحك أذا رحتي تسكنين بالشارقة أهدأ بكثير وقريبة جدا من دبي وايضاً فهي أقل منكرات

وأسواقها حلوه وخصوصاً السوق الأسلامي

وعندك بدبي مثل ماتفضلوا الأخوات

بالنسبة للفنادق

في دبي فندق أسمه هوارد جونسون حلو ورخيص نوعاً ما

وعندك فندق المطار روعه

وفي الشارقه فندق راديسون
وفندق رويال والله نسيت باقي أسمه

لكن أدخلي لموقع الأمارات او الخطوط الأماراتيه وراح تلاقين طلبك أن شاء الله

غاليتي أم القمزي

ربي يسلمك ياعسل على كلامك الطيب وعلى كرمك

وانا ممنونه لك حيل يالغاليه

يكفي كلامك الحلو

ربي يسعدك ويوفقك ان شاء الله

محبه للخير اسم على مسمى

ماقصرتي يالغاليه والف شكر لك على معلوماتك الحلوة

بس ابسال عن اليشمك
هو بدبي او لا

وانا ممنونه لك حيل

والف شكر لك