انا انصحك لا كان عندنا مغسله والعامل يسرق منه واذا قال له زوجي وين الفلوس ؟يقول مافيه زباين

وفي الاخير باعها بخساره وربي انصحك لاتتوهقين الله يرزقك في مشروع ثاني

المغسله متعبه ممكن يسرقوكي

ولكن اغلب المغاسل اللي فاتحه
يجي صاحبها اخر الشهر وياخذ منه من 2000 الى 5000 ريال في الشهر على حسب موقع المغسله
وباقي الدخل ياخذه العامل
ولكن انتي مالك شغل بالمغشله نهائيا صيانه ومعدات ومواد غسيل كله على العامل

افتحي وتوكلي على الله انا عندي 2 والثالثه بالطريق ان شاء الله وكلها مشهوره ومعروفه بس مانصحك انتي تأثثيها من الصفر اول مغسله فتحتها اثثناها من الصفر كلفتنا حوالي 75 الف ريال لكن شوفي المغاسل اللي للتقبيل وخلي احد خبير يروحها يشوف معداتها كامله او لا التصاريح الخاصه فيها رخصة البلدية الدفاع المدني موقعها كم تدخل باليوم واذا توفقتي واشتريتيها العمال اللي تشغليهم اشرطي عليهم تاخذي مبلغ معين اخر الشهر من الفين الى 2500 ومالك شغل بأي شي لاكهرباء لامويا لا مواد تنظيف ولا ايجارات ولاشي كل شي عليهم حتى لو لاسمح الله جاتهم مخالفه او غرامه هم يدفعوها انا كذا مسويه مع العمال وتراهم يدخلو ذهب منها والا كان راحو من زمان واتقفلت انا ماعليا يدخلو 10 يدخلو 15 لهم المهم انا الفين ريال نهاية كل شهر اشتغلت او ماشتغلت مايهمني

لانك لو طمعتي وقلتي مثلا ليش هما يكسبو اكثر مني ترى راح ينصبو عليك ويحاولو يبينو لك انها خسرانه وماتشتغل لين توكليهم كل شي فيها وتاخذي مبلغ معين الا لو كان لك قريب او احد ممكن يوقف فيها هنا كلام ثاني بس انا اقولك ريحي مخك من الحسابات والفين او الفين ونص كل شهر حلو على حسب الموقع ممكن اكثر من الفين ونص

جزاكم الله الف خير بس محد عنده فكره عن باب رزق كيف يدعمون المشاريع المبتدئه