مساعدتكم يابنات الدمام الله يوفقكم

السلام عليكم ورحمة الله وبركاته

بداية اسال الله ان يشفي كل طفل من ذوي الاحتياجات الخاصه وان يعين الامهات الصابرات وان يبلغهم الفردوس الاعلى بجنات النعيم

حبيت اطرح مشكلة طفلي

طفلي عندة مرض التمثيل الغذائي يعني اي اكلات بروتينيه من لحم وبيض واجبان ممنوع منها
وماياكل الا اشياءمعينه وحليب خاص اعطيه اياه

المهم ان ولدي جدا ذكي ويفهم ووديته مدارس سعد الصانع بالخبر ابيه يتعلم ويتدرب على الكتابه ومسك القلم لان عندة المسك ضعيفه شوي وصار له سنه بالمركز ومااحس ان عندهم اهتمام او تمارين او تدريبات على المسك

والله يابنات اني عانيت مع هالولد والسبب من ابوه رافض يوديه اهليه لانها اهتمام وانا مجربه المدارس الاهليه بنفسي لاني درست فيها
حتى عندنا بالمدرسه طلاب حالات خاصه وتحسنو لان معلماتهم خبره في التمهيدي بس مشكلتهم بيطلعون السنه الجايه لمدارس افضل في الراتب ؟

وماحسيت ولدي بمدارس سعد تحسن وضعه نفس الشي اذا جيت اعلمه يمسك او يكتب مايعرف شي حتى يوم رحت لهم اكتشفت ان الحمام مايدخلونه الخادمات اللي هناك والمعلمات مايهتمون في امر الطفل من ناحية الحمام تخيلووو ؟؟؟؟؟

ابي مدارس اهليه بالدمام معلماتها متخصصات وعندهم ذمه وضمير يعلمونه كل شي
ابي ولدي يتاهل زين لان مافي عقليته اي تخلف او اعاقه وابي رايكم في مركز الامير سلطان اللي بالدمام هل فيه تدريس والا نظامهم فقط يومين بالاسبوع كالعاده

وابوه انسان متخلف رافض يوديه بحجة ان المدارس الاهليه ياخذون فلوس ولايعلمون والله العظيم اني في هم وابي اطلعه السنه الجايه في مدارس افضل والله يوفق اللي تدلني وتعرف مدارس افضل ورسومهم ارخص ومجربتها من قبل

ابي خبرتكم بنات لاتبخلو علي الله يباركلكم وطولت كلامي واعذروني بس بجد ولدي الان 6 سنوات وشايله همه المفروض يكون باول ابتدائي ... والله يكون في العون :44: