بنات بقولكم مشكلتي وياريت تساعدوني بردودكم
انا مخطوبه من 3 شهور والحمدلله مره مبسوطه مع خطيبي وهوا مره طيب معايا
بس المشكله اني انا بجده وهوا بالخبر يعني مانشوف بعض خير شر بسبب جامعته
وكنت مره فرحانه عشان الاجازه جت وبيجي يزورني
بس فاجئني بخبر انه بيسافر لكندا بعثه لمدة 3 شهور ومن عرفت وانا زعلانه واحس اني مابغا اكلمه وهوا حس اني متغيره عليه بس ماتكلم
واليوم قالي انه خلاص رحلته تاكدت الاثنين
حابه اهديه هديه بس مو عارفه كيف اوصلها خلال دي اليومين للدمام
وكمان قولولي ايش اهديه ابغا شي يفكره فيني وهوا هناك
كان نفسي اهديه جوال من زمان نفسه فيه بس امكانيتي ماتسمح
والي معاي 350 ريال
عطوني اي شي بسيط وبنفس الوقت تخليه يفتكرني وهوا هناك
والله يخليكم لو في وحده من الخبر والظهران وتقدر تشتريلي الهديه وتحطها باي محل لا تقصر معاي والله بدعيلها من كل قلبي وطبعأ لو حابه برسلها حق المشوار
بنات الله يخليكم لا تطنشوني وساعدوني ولو بكلمه