مساعدتكم يابنات جده و مكه !!

الحاجه الوحيده اللي اقدر اساعدك فيها
غرف النوم
تلقي بسوق الاتحاد غرف نوم جاهز و تفصيل
بس شئ على كيفك
ممتازة وخشب مصري رائع جدا
يعني جودة عاليه و سعر رخيص
و من تجربتي بس من زمااااااان
المطابخ ما انصح غير بايكيا
موفقه

اللي أقدر أساعدك فيه محلات تفصيل الكنب روحي سوق محمود سعيد كبير جدا هو عند دوار الدراجه وشغلهم يجنن هم أتراك السوق مقسم الدروازه والرجاء أتوقع نسي والله وكمان غرف النوم شوفي البناء والعمار او روحي سوق عمرين في الصواريخ ودوري غرف ماليزيه وكمان السراميك شوفي الطريق السريع اللي في جده كله محلات سراميك واما المطابخ فيه وحده كتبت موضوع قبل فتره هنا في الديكور عن المطابخ في جده وحسناتها وعيوبها دوريه واتمنى أكون أفدتك

شوفي في الأثاث انصحك جده فقط
بالنسبه للدهان البوية خذي من جوتن الألوان الساده وخلي نفس المعلم من جوتن يبويها
بالنسبه للسيراميك فيه محلات كثيره سيراميك اساسا هم للجمله واسعارهم الفرديه روووعه وانواع واشكال المكان الخط السريع في جده شارع معروف جدا
الجبس اذا بتاخذي من مكه مو مشكله بس شوفي الكاتلوج
الجلسات المغربيه بصراحه محمود سعيد والدروازه جنب بعض وتلاقي فيه محل شتلات صناعيه وطبيعيه روووووعه زي حقت ايكيا
بالنسبه لغرف النوم انا اشتريت من سوق بن عمرين بخمسه الاف مودرن جاهزه بس ما انصحك صينيه انتي خذي خشب ماليزي شوفي هوم سنتر وايكيا روعه وناعمه
على الطاري اشتري غرفة النوم من عندكم بالرياض واشحنيها مكه من محل هوم برونز عندهم حاليا تخغيضات فيه غرف نوم مودرن على خمسه وعلى سته وفوق بس فخامه ونعومه حلوة
ايش كمان خطاط مااعرف والله
بالنسبه لمطابخ المنيوم فيه بشارع صاري وفيه بحي الصفا
فيه محل ميلانو في شارع صاري بس يفصل على سته عشر الف
وانا انصحك فصلي في الصواريخ الشكل اللي تبغيه والرخام خذيه من المحلات الغاليه الرخام الفخم النازل والمغسله استيل من ايكيا هي وحتى الخلاط ترى مغاسل ايكيا حلوة ورخيصه
واانا افضل حتى غرفة النوم تاخذيها من ايكيا تجميع لإن دواليبها راح تغنيك عن التفصيل يعني من ناحيه المقسمات والترتيب بس هذي تجميع بذوقك عشان ارخص وبالنسبه للتسريحه مو لازم تاخذي مرايه متصله مع الدروج لا خذي مرايه لحال في حدود ميتين او ميه وخمسين وخذي الدروج روعععه والجزامه حقتهم شي خياااال وكمان الصاله انصحك تاخذي كنبات من عنده فيه كنبات رخيصه على الف وشوية الوحده اقل شي تقدري تفسخيها وتغسليها وترجع روووعه
هذا اللي عندب اتمنى انك استفدتي عزيزتي
دعواتك بإن الله يخفف همي

رفع
في عند اهلي معلم جبس اجيبلك رقمه
لي رجعه

ماقصروا اللي قبلي بالمعلومات

واتفق معهم بالنسبه للكنب محمود سعيد عند دوار الدراجه تلاقين مغربي
اشكال حلوه والقماش اللي تبينه وهم اتراك اسعارهم معقوله مو غاليه
اما غرف النوم عندبن عمرين تفصيل واسعارهم رخيصه
وفيه جاهز مرتب وحلو بالمحلات الكبيره هوم سنتر هوم كمفورت سيتي w ديموس
مثل اللي بالرياض وممكن تختارين من الرياض وهم يوصلونها لك لمكه

ماانصحك تشترين غرفة نوم او كنب او مطبخ من ايكيا مايمدحون
الخشب ابدا تغريك اشكالها بس ماهي عمليه خوذي منه الاكسسوارات
والكماليات اما غيره لا

المغاسل والاضائه تلقين بسوق غراب