مساعدتكم يا امهات ولدي رافض الاكل نهائياااا :(

السلام عليكم

احتاج مساعدتكم في مشكلتي مع طفلي البكر عمره الان سنه وخمس اشهر
حركته كثييره ونشيط يحب اللعب بسم الله عليه
لاحظت عليه كم حاجه
من اسبوع تقريبا غير ابوه نوع الحفايظ لانه مالقى النوع الي استخدمه بالصيدلية وجاب كيس كبير منها ما اعجبتني بس لازم استخدمها كلها لانه مستحيل يجيب غيرها وعندي الكيس مليان :icon36:
وطلعت له حبوب داخل منطقة الحفاض على فخذيه مثل الحساسية او الاكزيما حمراء وعليها قشور ويحكها بكثره
جربت كل شيء الفازلين والبودرة وكريم سودو وزيت الزيتون مافادني الا زيت الزيتون لاحظت انه خفف القشور شوية بس ماراح .

ولاحظت انه بنفس هالفترة تجيه حرارة تجي وتروح صار ما ياكل اي شيء بالغصب امسكه وادخل الاكل بفمه ويطلعه بلسانه
فطمته عن صدري من خمس شهور بسبب حملي ورافض الحليب الصناعي نهائيا
بس مقلقني انه ما ياكل اي شي وربي من امس على الغداء اكل شوية 3 لقمات وبالغصب وللحين عليها
رافض الاكل بالمررررة :icon36: ولا يرضع حليب ولا اي شيء

تعبت معه انا وابوه نحاول فيه نحايله ونلاعبه نبيه ياكل رافض بالمرة برغم حركته الكثيرة ولعبه الا انه واضح عليه الاجهاد والذبول وعيونه ذابله

في خلال اسبوع ونص نحف كيلوييين كان وزنه 12 كيلو والحين وزنه 10 ونص كيلو

وربي انه صاير يخوفني ويحزني يقول لي ماما امممم يبي اكل وعيونه ذااابله بالمرره بيمووت من الجوع يمشي ويبكي :44:

الفجر سويت له خضار مسلوقه رفضهااا مرة ورمى الصحن حاولت اعطيه كورن فليكس مكسر مع شوية حليب وعياا سويت له سليق اذا تعرفونه ورفض ياكله والرز برظو سويت له سلطة طماط مع خيار مبشور لانه يحبه بس رفضها
حتى حاولت انه ياكل كيك او بسكوت شاي او بطاطس واي شيء رااافض بالمررة

قلت يمكن تسنين لانه احيانا يعض يد ابوه ويحك اسنانه لكن ماشفت له اسنان نابته ولثته عاديه مو وارمه او حمراء

مدري وش الحل معه تعبت اشوف ولدي كذا لي كم يوم احاول فيه ياكل لو خبز بس معيي
وابوه راافض يوديه لدكتور حتى نسيت عن حملي ومواعيد المستشفى والحبوب الفيتامينات معد اكلها كل الي هامني الحين ولدي بالمرة مشغل باالي حتى اهلي يتصلون علي يرد زوجي على جوالي وربي ماعاد ادري عنهم

ابيكم تعطوني وصفات اكل للاطفال لاني ماعندي اي خبرة باكل الاطفال
ايش ياكلون اطفالكم اعطوني خيارات ارجوكم الحين اسويهااا له الصباح

حطو نفسكم مكاني تخيلي ولدك او بنتك له اكثر من اسبوع ما ياكل شيء الا كل يومين لقمتين بطلعة الروح
واللي عندها خبرة بالاطفال تقول لي وش الحل :09: اعتذر على الاطاله